اتىس قارۋلارىنا ارناپ وق- دارىلەر شىعاراتىن پاترون زاۋىتى قاراعاندىدا ىسكە قوسىلدى

ءىس- شاراعا سونىمەن قاتار قازاقستان رەسپۋبليكاسىنىڭ كۇش قۇرىلىمدارىنىڭ وكىلدەرى قاتىستى. قازاقستاندىق پاترون زاۋىتى جوباسىن «Steel Manufacturing» ج ش س جۇزەگە اسىرۋدا. بۇل «قازاقستان ينجينيرينگ» ا ق قۇرامىنداعى حالىقارالىق ستاندارتتارىنا ساي اتىس قارۋلارى ءۇشىن وق- دارىلەر شىعاراتىن زاماناۋي، جوعارى تەحنولوگيالىق كاسىپورىن. زاۋىتتىڭ قۋاتى جىلىنا 30 ميلليون پاترون شىعارۋعا جەتەدى. كاسىپورىن كولەمى 8476 شارشى مەتردى قۇرايدى.

وڭىرگە جۇمىس ساپارى بارىسىندا ۇكىمەت باسشىسى «سارى ارقا» ەركىن ەكونوميكالىق اۋماعىندا بولىپ، ءوندىرىس بارىسىمەن تانىستى. پاترون زاۋىتىندا تاپانشا جەلىسى ىسكە قوسىلدى. جىل سوڭىنا دەيىن اۆتوماتتى جەلىنى ىسكە قوسۋ جوسپارلانىپ وتىر. جوبانىڭ قۇنى - 28,1 ميلليارد تەڭگە، كاسىپورىندا 164 جاڭا جۇمىس ورنى اشىلادى دەپ كۇتىلۋدە. پاترونداردى شىعارۋ ءۇشىن زاماناۋي تەحنولوگيالار قولدانىلاتىنى جانە ت م د اۋماعىندا مۇنداي زاۋىتتىڭ بالاماسى جوق ەكەنى اتالىپ ءوتتى. ونەركاسىپتىك ينتەرنەت زاتتار ەنگىزىلۋىمەن مۇندا ءوندىرىس تولىعىمەن اۆتوماتتاندىرىلعان.

يندۋستريا جانە ينفراقۇرىلىمدىق دامۋ ۆيتسە- ءمينيسترى تالعات جانجۇمەنوۆتىڭ ايتۋىنشا، قورعانىس تاپسىرىسى اياسىندا ەلدىڭ قارۋلى كۇشتەرىنە وق- ءدارى جەتكىزۋگە كەلىسىمشارت جاسالعان. «قازاقستاندا العاش رەت ءتۇرلى نومەنكلاتۋراداعى وق- دارىلەردىڭ ارنايى ءوندىرىسى اشىلادى. بۇل بىرەگەي زاۋىت، ول كانادالىق كومپانيانىڭ ەڭ زاماناۋي قۇرىلعىلارىمەن جابدىقتالعان. بارلىق ماماندار كانادادا وقۋدان ءوتتى. زاۋىت ىشكى نارىقتىڭ قاجەتتىلىگىن عانا ەمەس، سونىمەن قاتار ەكسپورتقا ءونىم جەتكىزۋ مۇمكىندىگىن دە قامتاماسىز ەتەدى»، - دەدى ۆيتسە- مينيستر.

ماماندار ەۋروپادا وقۋدان وتكەن. وندىرىستىك قۋاتى جىلىنا 38 مىڭ توننا ءونىم شىعارۋعا قاۋقارلى. زاۋىت ەكسپورتقا باعىتتالعان. ءونىمنىڭ نەگىزگى كولەمى رەسەي مەن قىرعىزستانعا جەتكىزىلەدى. وتاندىق وتقا ءتوزىمدى ماتەريالدار ىشكى نارىققا دا جىبەرىلەدى.

«يندۋستريا جانە ينفراقۇرىلىمدى دامىتۋ مينيسترلىگىنىڭ قولداۋىمەن جۇزەگە اسىرىلعان بۇل جوبا قازاقستاندا جانە ۇ ق ش ۇ- دا قولدانىلاتىن ستاندارتتارعا سايكەس ءونىم شىعارۋعا مۇمكىندىك بەرەدى جانە ەلىمىزدىڭ وسى نومەنكلاتۋراداعى وق- دارىلەر يمپورتىنا تاۋەلدىلىگىن جويادى. زاۋىتتىڭ ىسكە قوسىلۋى قازاقستاننىڭ بارلىق كۇشتىك قۇرىلىمدارىنىڭ وق- دارىگە دەگەن قاجەتتىلىگىن تولىعىمەن قامتاماسىز ەتىپ قانا قويماي، سونىمەن قاتار جاڭا ەكسپورتتىق الەۋەتىن دە اشادى. زاۋىتتى قوسىمشا جاراقتاندىرۋ ارقىلى ناتو ستاندارتتارىنا ساي پاتروندار شىعارۋ، ءوندىرىس مۇمكىندىگىن ارتتىرۋ، وسىلايشا ءونىمدى جەتكىزۋ گەوگرافياسىن كەڭەيتۋ جوسپاردا بار. سونداي- اق بۇل جوبا وتاندىق بىلىكتى كادرلاردى قالىپتاستىرۋعا جانە جاڭا جۇمىس ورىندارىن اشۋعا مۇمكىندىك بەرەدى»، - دەپ اتاپ ءوتتى «قازاقستان ينجينيرينگ» ۇ ك باسقارما ءتوراعاسى قۋانىش ءبيشىموۆ.

قازىرگى ۋاقىتتا اتالعان ءونىمدى ەكسپورتقا شىعارۋ ماقساتىندا قازاقستان رەسپۋبليكاسىنىڭ ۇلتتىق ستاندارتتارىن ازىرلەۋ جانە بەكىتۋ بويىنشا جۇمىستار جۇرگىزىلىپ جاتىر.

اۆتور: اگاتا مۋحامەدجانوۆا