الماتىدا كوروناۆيرۋستىڭ بارلىق وشاعى وقشاۋلاندى

«الماتىدا قازىرگى ۋاقىتتا 1353 جاعداي تىركەلدى. ءساۋىر ايىندا كوروناۆيرۋستىق ينفەكتسيانىڭ جۇقتىرۋ دەڭگەيى تاۋلىگىنە %6 دان اسپاعاندىقتان، قالادا كاسىپورىندار مەن مەكەمەلەر كەزەڭ- كەزەڭمەن ىسكە قوسىلىپ جاتىر. كارانتيننەن شىعۋ ءۇشىن الماتىدا ىندەت جۇقتىرعانداردى بەلسەندى انىقتاۋ ماقساتىندا جاپپاي تەستىلەۋ باستالدى»،- دەدى جانداربەك بەكشين.

ونىڭ ايتۋىنشا، قالاداعى پاتسيەنتتەردىڭ ناقتى سانى مەگاپوليس تۇرعىندارىنىڭ جالپى سانىنىڭ %0,06 قۇرايدى.

«حالىقتى كەڭىنەن قامتۋ اۋرۋدىڭ سيمپتومسىز جاعدايلارىن جانە جۇقتىرۋ وشاعىنىڭ ايماعىن انىقتاۋعا مۇمكىندىك بەرەدى. بۇگىنگى تاڭدا بارلىق وشاقتار وقشاۋلاندى. ونىڭ ىشىندە ورتالىق قالالىق كلينيكالىق اۋرۋحانا دا بار. ينفەكتسيانىڭ تىزبەگىن ءۇزۋ ءۇشىن كۇشەيتىلگەن سانيتارلىق- ەپيدەميولوگيالىق شارالار جۇرگىزىلۋدە»،- دەيدى قالانىڭ باس سانيتار دارىگەرى.