ەلوردادا وقۋشىلاردى تاماقتاندىرۋدان ۇنەمدەلگەن اقشاعا مەكتەپتەرگە نوۋتبۋك ساتىپ الىنادى

نۇر- سۇلتان قالالىق ءبىلىم باسقارماسىنىڭ باسشىسى شولپان قادىروۆا ءمالىم ەتكەندەي، ەلوردادا قازىرگى ۋاقىتتا 182279 مىڭ بالا وقيتىن 117 مەكتەپ بار. ونىڭ ىشىندە 91 ى مەملەكەتتىك، 22 سى جەكەمەنشىك، 1 ەۋى رەسپۋبليكالىق فيزيكا- ماتەماتيكا مەكتەبى جانە 3 ى نازاربايەۆ زياتكەرلىك مەكتەبى. مەكتەپ پەداگوگتارىنىڭ سانى - 10302.

«وزدەرىڭىز بىلەتىندەي 4- توقسان قاشىقتان وقىتۋ جۇيەسىمەن باستالدى. ول ءۇشىن ونلاين رەجيمدە Google Classroom, Microsoft Teams, Google meet, Hangouts Meet, Zoom پلاتفورمالارى قولدانىلدى. Kundelik, Daryn Online, Bilimland, what'sApp, Telegramm, Google Disc, ەلەكتروندىق پوشتا پايداعا جارادى. سونداي- اق «بالاپان»، «ەل ارنا» تەلەارنالارىنىڭ بەينە- ساباقتارى پايدالانىلۋدا. قاشىقتان وقۋدىڭ ناتيجەلىگىن ارتتىرۋ ماقساتىندا وقۋشىلار مەن پەداگوگتاردىڭ كومپيۋتەرلەرمەن جانە ينتەرنەت جەلىسىنە قولجەتىمدىلىگىنە مونيتورينگ جۇرگىزىلدى. مەكتەپ ەسەبىندەگى 7118 كومپيۋتەر كوپبالالى، از قامتىلعان وتباسىلارداعى 6500 وقۋشىعا جانە قاجەتتىلىك تانىتقان 618 پەداگوگكە ۋاقىتشا پايدالانۋعا بەرىلدى»، - دەدى شولپان قادىروۆا بۇگىن وتكەن باسپا ءسوز ءماسليحاتىندا.

باسقارما باسشىسىنىڭ ايتۋىنشا، قوسىمشا 2613 نوۋتبۋك جانە ينتەرنەتپەن قامتاماسىز ەتۋ ءۇشىن 5200 فلەش- كارتا ساتىلىپ الىنعان. «بۇل قاراجات 1-4 -سىنىپتاردىڭ تاماقتانۋىنان ۇنەمدەۋ ەسەبىنەن پايدالانىلدى. سونداي- اق قالعان سوماسى بەينەباقىلاۋدى قامتاماسىز ەتۋگە باعىتتالدى» ، - دەدى ول.