ماقتاارالداعى سۋ تاسقىنى: پوليتسەي ارەكەتى كوپشىلىكتى ءسۇيسىنتتى
بۇل جاعداي كەشە اۋماعىن تولىقتاي سۋ باسقان فەردوۋسي اۋىلىندا بولعان. جەتىساي اۋداندىق پوليتسيا باسقارماسىنىڭ وفيتسەرى ەسىمجان ءنادىروۆ سۋدان كوك تۋدى الىپ شىقتى.
جاڭا مەكتەپتىڭ الدىندا قازاقستان تۋىنىڭ سۋ ىشىندە جاتقانىن كورگەن جەتىساي اۋداندىق پوليتسيا باسقارماسىنىڭ وفيتسەرى ەسىمجان ءنادىروۆ سۋعا ءتۇسىپ، تۋدى الىپ شىقتى.
وسى كورنىستى جەرگىلىكتى حالىق ۇيالى تەلەفوندارىنا ءتۇسىرىپ، الەۋمەتتىك جەلىگە تاراتىپ جىبەرگەن.
ەستەرىڭىزگە سالا كەتەيىك، 1- مامىردا ساردوبا سۋ قويماسى بوگەتىن سۋ شايىپ كەتۋىنە بايلانىستى وزبەكستاننىڭ سىرداريا وبلىسىنداعى ەلدىمەكەندى سۋ باستى. سونىڭ سالدارىنان ماقتاارال اۋدانىندا شەكارا ماڭىنداعى بىرنەشە كوللەكتور سۋعا تولىپ قالعان.
ماقتاارالداعى ورتالىق كوللەكتوردان سۋ سىرتقا جايىلىپ، جەڭىس، جاڭا تۇرمىس اۋىلدارىن سۋ الىپ كەتتى. كەيىن تاعى دا 10 اۋىلدى سۋ العانى بەلگىلى بولدى.
