الماتىدا كوروناۆيرۋسپەن كۇرەسىپ جاتقان دارىگەرلەر تۋرالى فيلم ءتۇسىرىلدى
نۇر- سۇلتان. قازاقپارات - الماتىدا كوروناۆيرۋس ينفەكسياسىمەن ۇيقىسىز، دەمالىسسىز كۇرەسىپ جاتقان دارىگەرلەردىڭ اۋىر جۇمىسى تۋرالى فيلم ءتۇسىرىلدى، دەپ حابارلايدى قازاقپارات ءتىلشىسى.
ەكشن كامەرامەن تۇسىرىلگەن فيلمنىڭ ەرەكشەلىگى - وقيعانىڭ شىنايى ومىردەن الىنعاندىعىندا. فيلمگە كاسىبي اكتەرلەردىڭ ورنىنا دارىگەرلەردىڭ وزدەرى تۇسكەن. اتالعان فيلمنىڭ ءۇزىندىسى الماتى قالاسى اكىمىنىڭ باسپا ءسوز حاتشىسى اسەت مۇقاجانوۆتىڭ Instagram پاراقشاسىندا جاريالاندى.
«كوبىنەسە كوروناۆيرۋستىڭ بار ەكەنىنە سەنبەي، نە ءۇشىن قامالعانىن سۇراپ، تەست قورىتىندىسىن تالاپ ەتەتىندەر بار. مىسالى، بۇگىن ەكى ادام ەمدەلىپ شىققالى جاتىر. ادامدار دارىگەرلەردىڭ سوزىنە قاراعاندا «اۋىرعانداردىڭ ءتۇرىن، ۆيدەوسىن كوردىڭدەر مە؟» دەگەندەردىڭ سوزىنە كوبىرەك سەنىپ كەتەدى. امال قانشا، بارىنە شىدايمىز. ۇيىقتاپ جاتقان بالامىزدىڭ باسىنان يىسكەپ، جارىمىزعا امانات ەتىپ، قوشتاسىپ كەتتىك... «، - دارىگەر انەستەزيولوگ جانە رەانيماتولوگ مۇرات امانبايەۆ.
اۆتور: زارينا قاھارمان
