ماقتاارالعا تاسقىن سۋمەن اعىپ كەلگەن وزبەكستاندىقتى اۋىل تۇرعىندارى قۇتقارعان
ماقتاارال. قازاقپارات - وزبەكستاننىڭ ءبىر ازاماتى سۋ تاسقىنى كەزىندە كانالداعى سۋمەن ماقتاارالعا اعىپ كەلگەن. بۇل تۋرالى تۇركىستان وبلىسىنىڭ قوعامدىق دەنساۋلىق باسقارماسىنىڭ باسشىسى مارات پاشيموۆ كەزەكتى بريفينگ بارىسىندا مالىمدەدى، دەپ حابارلايدى قازاقپارات ءتىلشىسى.
باسقارما باسشىسىنىڭ ايتۋىنشا، وزبەكستاندىق كەشە تۇندە كانال جاعاسىنان تابىلعان. بەلگىلى بولعانداي، ول ءوزىنىڭ اتىمەن بىرگە سۋعا اعىپ كەتكەن. سول سۋدىڭ اعىسىمەن ول ماقتاارال اۋدانىنىڭ جەڭىستى اۋىلىنا جەتكەندە، تۇرعىندار ونى بايقاپ قالعان. ءسويتىپ ونى جابىلىپ ءجۇرىپ سۋدان شىعارىپ العان.
«50 جاستاعى ەر ادام ماقتاارال اۋداندىق اۋرۋحاناسىنا جاتقىزىلدى. سۋعا باتقان ادامعا «جەڭىل ءتۇرى» دەگەن دياگنوز قويىلعان. وعان العاشقى مەديتسينالىق كومەك كورسەتىلگەن، جاعدايى قاناعاتتاندىرارلىق. بۇگىن تۇستە ول جاعدايى جاقسارعان سوڭ، اۋرۋحانادان شىعىپ كەتكەن. ول وزبەكستانعا كەرى قايتامىن دەپ ءتۇسىندىردى»، - دەدى مارات پاشيموۆ.
ايتا كەتەيىك، بۇعان دەيىن الەۋمەتتىك جەلىلەردە اتى ولگەن ءبىر ادام وزبەكستاننان اعىپ كەلگەنى تۋرالى اقپارات تاراعان بولاتىن.
اۆتور: اينۇر اقبايەۆا
