كوروناۆيرۋستى انىقتايتىن پ ت ر- تەستىلەۋ قالاي جاسالادى

بۇگىندە قالاداعى 6 زەرتحانانىڭ ءبىرى وسى ەمحانادا جۇمىس ىستەپ تۇر. COVID-19 تالداۋى كەپىلدەندىرىلگەن مەملەكەتتىك مەديتسينالىق كومەك كولەمى اياسىندا تەگىن جاسالادى. سپيكەردىڭ ايتۋىنشا، تەستىلەۋ وڭتۇستىككورەيالىق جۇيەمەن جۇرگىزىلەدى. ونىڭ قازاقستاندىق جۇيەدەن ايىرماشىلىعى - مولەكۋليارلى دياگنوستيكا اۆتوماتتى تۇردە جاسالادى.

«بۇل تەحنولوگيادا رنق ەكستراكسياسىن اۆتومات جاسايدى. ال قازاقستاندا بۇل قولمەن جاسالادى. اۆتومات 90 تالداۋدى ءبىر مەزەتتە % 99 دالدىكپەن كورسەتە الادى. پ ت ر رەاكتيۆتەر COVID-19 گەنىن 1-1 دەن ەمەس، 3-4 گەندى بىردەن انىقتايدى. بۇل ۆيرۋستى انىقتاۋ بارىنشا ءدال بولاتىنىن كورسەتەدى. ءبىر مەزەتتە تۇماۋ ۆيرۋسىنىڭ 17 ءتۇرىن، 6 ءتۇرلى باكتەريانى انىقتاي الادى. الەم بويىنشا ۇزدىك تەحنولوگيانى ەۋروپا ەلدەرىنىڭ % 80- ى قولدانادى»، - دەدى عالىمجان توعىزبايەۆ.

ونىڭ ايتۋىنشا، پ ت ر تالداۋ كوروناۆيرۋستىڭ بىرنەشە مولەكۋلاسىن دا انىقتاي الادى. ياعني، اۋرۋ جاڭادان باستالىپ كەلە جاتقاندا نەمەسە سوزىلمالى جاعدايدا نەمەسە بايقالماي جەڭىل وتكەندە دە انىقتالادى دەگەندى بىلدىرەدى. ءقازىر وڭتۇستىككورەيالىق ەمحانادا كۇنىنە 1300 تەست جاسالىپ جاتىر. جاقىندا دياگنوستيكانى كۇنىنە 2,5 مىڭعا جەتكىزۋ كوزدەلگەن. پ ت ر - تالداۋ د د ۇ نۇسقاۋلىعى بويىنشا مۇرىننىڭ شىرىشتى قاباتىنان جاعىندى الۋ ارقىلى جاسالادى.

«مۇرىن قۋىسىنان الىنعان تەستىدە العاشقى تاۋلىكتەردەگى دالدىك جوعارى بولادى. ويتكەنى، ينفەكتسيا اۋا تامشى جولدارى ارقىلى جۇعادى. ال اۋىزدان الىنعان تەست ارقىلى جۇقتىرعاننان كەيىنگى3 كۇن ىشىندە انىقتاۋعا بولادى»، - دەيدى عالىمجان توعىزبايەۆ.

ەكپرەسس- تەستىلەۋ ارقىلى كوروناۆيرۋس دياگنوزى قويىلمايدى. ول ارقىلى اعزاداعى ۆيرۋستى انىقتاۋ مۇمكىن ەمەس. بۇل جەردە تەك قانا اعزانىڭ يممۋندىق قارسىلىعىن، انتيدەنەنىڭ بار ەكەنى كورسەتىلەدى. ول ءۇشىن ساۋساقتان قان الىنادى. ناتيجەسىن 15 مينۋتتا بىلۋگە بولادى. قازىر الماتىداعى 6 زەرتحانا دا پ ت ر- دياگنوستيكانى قولدانىپ وتىر. بۇل تەستىلەۋدەن تەك قاۋپى جوعارى نىسانداردىڭ قىزمەتكەرلەرى عانا تەگىن وتەدى. ونى ەپيدەميولوگتار ايقىندايدى.

اۆتور: گۇلميرا عوسمانالي