قاسىم- جومارت توقايەۆ ءوزى ءبىلىم العان جوعارى وقۋ ورنى تۋرالى ايتىپ بەردى
«مير» تەلەارناسىنا بەرگەن سۇحباتىندا پرەزيدەنتكە اتالعان وقۋ ورنىنا 75 جىل تولعانى تۋرالى ايتىلىپ، مەملەكەت باسشىسىنىڭ ستۋدەنتتىك ءومىرى تۋرالى سۇراق قويىلدى.
«ماسكەۋ مەملەكەتتىك حالىقارالىق قاتىناستار ينستيتۋتى (م م ح ق ي) - شىنىندا دا بىرەگەي وقۋ ورنى. ول رەسەيدە عانا ەمەس، كوپتەگەن پوستكەڭەستىك ەلدەردە، سونىڭ ىشىندە قازاقستاندا دا تانىمال. باتىس تا بۇل ينستيتۋتتان حاباردار، سەبەبى ونىڭ تۇلەكتەرى بىرىككەن ۇلتتار ۇيىمى مەن وزگە دە حالىقارالىق ۇيىمداردا جۇمىس ىستەپ ءجۇر. ونىڭ رەكتورى، اكادەميك اناتولي توركۋنوۆتىڭ كۇش- جىگەرىمەن بۇل ج و و ستۋدەنتتەردىڭ كوستيۋم مەن گالستۋكتە ءجۇرۋى سىندى ءداستۇرلى جانە كونسەرۆاتيۆتى قاعيدالارىن ۇستانۋدى ۇيلەستىرە الدى. ءبىراق، مۇنىڭ ءبارى ارتتا قالدى، قازىرگى ستۋدەنتتەر گالستۋك تاقپايتىن دا شىعار. ءبىز وقىعان جىلدارى گالستۋكپەن ءجۇرۋ مىندەتتى ەدى»، - دەپ ەسكە الدى قاسىم- جومارت توقايەۆ.
سونىمەن بىرگە، پرەزيدەنت 2017 -جىلى م م ح ق ي تۇلەكتەرىنىڭ كەزەكتى فورۋمىن قازاقستان استاناسىندا وتكىزۋدى ۇيىمداستىرۋعا كومەكتەسكەنىن ايتتى. «سول كەزدە بىزگە ينستيتۋتتىڭ تۇلەكتەرى - تانىمال ساياسي، قوعام قايراتكەرلەرى، ديپلوماتتار كەلگەن ەدى. سوندىقتان، مۇنداي فورۋمداردى وتكىزۋ وتە ماڭىزدى. مەنىڭ بىلۋىمشە، فورۋم وتكىزۋ ءداستۇرى ءالى دە جالعاسىن تابادى جانە مەن دە بۇل ءداستۇردى قولدايمىن»، - دەدى پرەزيدەنت.
اۆتور: ايجان سەرىكجان قىزى
