ارقالىقتاعى ناۋقاستىڭ ءولىمى كوروناۆيرۋستان بولماعان - كوميسسيا قورىتىندىسى

كوروناۆيرۋستى جۇقتىرعان ناۋقاستاردىڭ ءولىم جاعدايلارىن زەرتتەۋ جونىندەگى كوميسسيا تۇجىرىمىندا وسىلاي دەلىنگەن، دەپ حابارلايدى قازاقپارات.

ايتا كەتەيىك، ارقالىق قالاسىندا كوروناۆيرۋس انىقتالعان 84 جاستاعى كەيۋانا ءوز ۇيىندە كوز جۇمعان بولاتىن. Сoronavirus2020.kz سايتىنداعى اقپاراتقا سايكەس، 27 - ءساۋىر كۇنى ناۋقاستىڭ ءولىمى كوروناۆيرۋستان، نە باسقا سىرقاتتان بولعانىن انىقتاۋ ءۇشىن كوميسسيا وتكىزىلدى.

«زەرتتەلگەن مەديتسينالىق قۇجاتتاماعا سايكەس، پاتسيەنت 2020 -جىلدىڭ ناۋرىز ايىنان باستاپ تىركەلگەن ورنى بويىنشا «3-دارەجەلى ارتەريالدىق گيپەرتونيا، 3-دارەجەلى قاۋىپ، گيپەرتەنزيۆتى ەنتسەفالوپاتيا» دياگنوزىمەن ارقالىق قالالىق ەمحاناسىندا ەسەپتە تۇرعان. سوڭعى ەكى ايدا نەگىزگى سىرقاتى بويىنشا ۇيگە بىرنەشە رەت جەدەل جاردەم شاقىرعانى انىقتالدى. وعان دالەل - مەديتسينالىق اقپاراتتىق جۇيەسى. جوعارىدا باياندالعاننىڭ نەگىزىندە، سونداي- اق پاتسيەنتتىڭ جاسىن جانە سوزىلمالى اۋرۋدىڭ بولۋىن ەسكەرە وتىرىپ، كوميسسيا ناۋقاستىڭ ءولىمى جۇرەك- قان قىزمەتىنىڭ جەتكىلىكسىزدىگىنەن بولدى دەگەن قورىتىندىعا كەلدى. كوروناۆيرۋس قوسالقى سىرقات بولىپ تابىلادى»، - دەلىنگەن مالىمەتتە.

اۆتور: ميرا تولەندى قىزى