مامىر ايىندا ەلوردادا كوروناۆيرۋستىڭ تارالۋى جايلى بولجام ايتىلدى

«ەلوردادا جاعداي تۇراقتالىپ كەلەدى. ماسەلەن كەيىنگى ەكى كۇندە ايتارلىقتاي جۇقتىرعاندار از تىركەلدى. بۇل الدىن الۋ جۇمىستارىنىڭ ارقاسى دەسەك بولادى. قازىر قالدا ازاماتتاردى ەكسپرەس- تەستتەردەن وتكىزىپ جاتىرمىز. ەگەر جۇقتىرعاندار انىقتالىپ جاتسا - ول دۇرىس. ياعني، الدىن الۋ جۇمىستارىن دا بۇل جاعدايدا تەزىرەك جۇرگىزە الامىز»، - دەدى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا دەنساۋلىق ساقتاۋ مينيسترلىگىنىڭ Facebook-تەگى پاراقشاسىندا بەرگەن سۇحباتىندا.

باسقارما باسشىسىنىڭ ايتۋىنشا مامىر ايىندا ەلوردادا كوروناۆيرۋس ينفەكسياسى باسەڭدەۋى ىقتيمال. «كەيىنگى تاۋلىكتە جۇقتىرۋ بويىنشا ءوسىم 2,6 پايىزدىق دەڭگەيدە بولدى. اۋقىمدى جۇمىس جۇرگىزىلىپ جاتىر. كوروناۆيرۋس ينفەكسياسى باسەڭدەپ، ازاماتتارىمىز تەزىرەك قالىپتى ومىرگە قايتىپ كەلەر دەگەن ۇمىتتەمىز»، - دەدى ول.