توتەنشە جاعداي كەزىندە قاي سالالاردىڭ تابىسى كوبەيدى

«ونلاين جەتكىزۋ قىزمەتتەرىنىڭ اينالىمى 3-5 ەسەگە دەيىن ارتتى. توتەنشە جاعداي كەزىندە بۇل سالا كەڭىنەن دامىدى. ارينە، قويمالاردىڭ جەتىسپەۋى سىندى كەمشىلىكتەر دە انىقتالدى. ازىق- تۇلىك جانە اگرارلىق سەكتورداعى تابىس 2,6 پايىزعا ارتتى. مەديتسينا سالاسىندا دا ءوسىم بايقالادى، ويتكەنى حالىق مەديتسينالىق ماسكالار مەن ءتۇرلى پرەپاراتتاردى ساتىپ الدى»، - دەدى ا. مىرزاحمەتوۆ ونلاين بەرگەن سۇحباتىندا.

ونىڭ ايتۋىنشا، ت ج كەزەڭىن قوسقاندا، مەملەكەتتىك ساتىپ الۋلار بيۋدجەتى 4,7 تريلليون تەڭگە بولعان. ونىڭ 3,9 تريلليون تەڭگەسى قۇرىلىس سالاسىنا بولىنگەن.

«3,9 تريلليون تەڭگە نەمەسە بيۋدجەتتىڭ 85 پايىزى قۇرىلىس سالاسىنا بولىنگەن. اۋقىمدى قاراجات بولىنگەندىكتەن، بۇل سالالادا دا ىلگەرىلەۋ بايقالۋى ءتيىس. بەس كۇننەن بەرى تەندەرلەر جەڭىلدەتىلگەن تۇردە ءوتىپ جاتىر. ولاردى وتاندىق كاسىپورىنداردىڭ العانى ماڭىزدى. ازىرگە 2 تريلليون تەڭگەگە تەندەرلەر وتكىزىلدى. وسى پروتسەستى مۇقيات قاداعالاپ، قاراجاتتىڭ قايدا كەتىپ جاتقانىن باقىلاۋعا شاقىرامىن»، - دەدى سپيكەر.

اۆتور: ايجان سەرىكجان قىزى