ترامپ كوروناۆيرۋستى ەڭ كوپ جۇقتىرعانداردىڭ نەلىكتەن امەريكالىقتار ەكەنىن ءتۇسىندىردى

قاۋىپتى ۆيرۋستى جۇقتىرعاندار سانى ءبىر ميلليوننان اسىپ كەتتى. بۇل الەم بويىنشا ءاربىر ءۇشىنشى ناۋقاس امەريكالىق دەگەندى بىلدىرەدى. تۇركياداعى جاعداي دا الاڭدارلىق. مۇندا ءبىر تاۋلىكتە 2400 ادام دەرتكە ۇشىرادى. دەگەنمەن وتكەن تاۋلىكتە 5 مىڭنان اسا ادام اۋرۋدان ايىعىپ شىققان. ال رەسەي ۆيرۋس جۇقتىرعاندار سانى بويىنشا يراننان اسىپ ءتۇسىپ، انتيرەيتينگتە 8-ورىنعا كوتەرىلدى.

پرەزيدەنت دونالد ترامپتىڭ تۇسىندىرۋىنشە، ەلدە بۇكىل الەم بويىنشا ەڭ كوپ تەست جاسالعان. كوپ دەرەكتىڭ راستالۋى وسىعان بايلانىستى دەيدى اق ءۇي باسشىسى. ا ق ش- تا ىندەت قۇرباندارىنىڭ سانى ۆەتنامداعى سوعىس كەزىندە مەرت بولعان امەريكالىقتاردان اسىپ كەتتى. 3 ايدان از ۋاقىت ىشىندە ەلدە 59 مىڭنان اسا ادام ۆيرۋستان كوز جۇمدى. ال ۆەتنام سوعىسى كەزىندە ا ق ش وپات بولعاندار مەن ءىز- ءتۇزسىز جوعالعانداردى قوسا ەسەپتەگەندە، 58 مىڭنان اسا ازاماتىنان ايىرىلعان.

وسىنداي ستاتيستيكاعا قاراماستان، دونالد ترامپ ەلدەگى ەپيدەمولوگيالىق احۋالدىڭ جاقسارىپ كەلە جاتقانىن ايتادى. بۇعان دەيىن ماماندار ا ق ش- تاعى ەپيدەميانىڭ ەكىنشى تولقىنىنىڭ سالدارى بىرىنشىسىنەن دە اۋىر بولۋى مۇمكىن دەپ ەسكەرتكەن. الايدا ترامپ مىرزا باسقاشا ويلايتىنىن ايتتى. اق ءۇي باسشىسى سونداي- اق الەم بويىنشا كوروناۆيرۋستى ەڭ كوپ جۇقتىرعانداردىڭ نەلىكتەن امەريكالىقتار ەكەنىن دە تۇسىندىرە كەتتى.

دونالد ترامپ، ا ق ش پرەزيدەنتى:

- الەمنىڭ ەشبىر ەلى ءبىز سەكىلدى كوپ تەست جاساپ جاتقان جوق. سوندىقتان بىزدە جۇقتىرۋ دەرەكتەرى دە وزگە مەملەكەتتەرمەن سالىستىرعاندا، جوعارى بولاتىنى تۇسىنىكتى. ءبىراق ءتۇبى ءبىز ەلدەگى ناۋقاستار سانىن نولگە دەيىن جەتكىزەمىز.

جالپى باسپا ءسوز ءماسليحاتىنا قاتىسقانداردىڭ بارلىعى الەۋمەتتىك قاشىقتىقتى ساقتاۋعا تىرىسقان. پرەزيدەنتتىڭ ءوزى دە سوڭعى ۋاقىتتا امانداسۋ كەزىندە قول الىسپايتىن بولعان. ءسويتىپ، كوروناۆيرۋس ىسكەرلىك ەتيكەتكە وزگەرىستەر ەنگىزىپ وتىر. ترامپ مىرزانىڭ بۇل ارەكەتىن ماماندار دا قولداپ، وزگەلەردى قول الىسىپ امانداسۋدان باس تارتۋعا شاقىرۋدا.

ماسكاسىز جۇرگەن ۆيتسە- پرەزيدەنت سىنعا قالدى

ال ا ق ش- تىڭ ۆيتسە- پرەزيدەنتى مايك پەنس قول الىسپاي امانداسسا دا، وزگە ساقتىق شارالارىن ەلەمەگەنگە ۇقسايدى. ساياساتكەر ميننەسوتا شتاتىنداعى ەڭ ءىرى مەديتسينالىق ورتالىقتاردىڭ بىرىنە بارىپ، ناۋقاستاردى قولداماق بولعان. الايدا سىنعا قالدى. ويتكەنى ول بەتپەردەسىز جۇرگەن. ەڭ قىزىعى، ساياساتكەر اق ءۇيدىڭ ەپيدەميامەن كۇرەس بويىنشا جۇمىس توبىن باسقارادى. سوندىقتان تەرىس پىكىر ايتقاندار سانى كوپ بولدى. ەندى ۆيتسە- پرەزيدەنتتىڭ ءوزى دارىگەرلەر جانە ناۋقاستارمەن ەش كەدەرگىسىز سويلەسۋ ءۇشىن بەتپەردە كيمەدىم دەپ اقتالىپ الەك.

ۆيرۋستى جۇقتىرعاندار سانى 100 مىڭعا تاياپ قالدى ال رەسەيدە سوڭعى تاۋلىكتە كوروناۆيرۋستان كوز جۇمعاندار سانى العاش رەت 100 ادامدىق مەجەدەن اسىپ كەتتى. قايعىلى وقيعالاردىڭ جارتىسىنان استامى ماسكەۋ مەن ماسكەۋ وبلىسىندا تىركەلگەن. قاۋىپتى ۆيرۋس جۇقتىرعاندار سانى بويىنشا «انتيرەيتينگتە» كورشى ەل 8-ورىندا تۇر.

- وكىنىشكە وراي، سوڭعى مالىمەت كوڭىل كونشىتپەيدى. ماسكەۋدە ءبىر تاۋلىكتە 67 ادام كوز جۇمدى. ال جالپى قالادا راستالعان دەرەك بويىنشا ۆيرۋس جۇقتىرعاندار سانى 50 مىڭنان اسىپ كەتتى. ىندەتتىڭ تارالۋ قارقىنى بويىنشا ماسكەۋدەن وزىپ كەتكەن وڭىرلەر بار. ءدال قازىر ءبىز كاشير تاس جولىندا، قالادا كولىك ساتاتىن ەڭ ءىرى ورتالىقتىڭ جانىندا تۇرمىز. بۇل التى قاباتتى عيمارات تاقاۋدا كوروناۆيرۋس جۇقتىرعاندارعا ارنالعان ۋاقىتشا گوسپيتالگە اينالادى. مۇندا ورىن جالداپ وتىرعان كاسىپكەرلەردىڭ ءبارى قىسقا ۋاقىت ىشىندە ورتالىقتى بوساتۋى ءتيىس. كەيبىر مالىمەت بويىنشا، بۇل گوسپيتال تامىزدىڭ باسىنا دەيىن جۇمىس ىستەيدى.

الداعى بىرنەشە اپتا ىشىندە «كروكۋس ەكسپو» حالىقارالىق كورمە ورتالىعى دا ءبىر جارىم مىڭ ناۋقاسقا ارنالعان ۋاقىتشا ەمحاناعا اينالماق. ودان بولەك، ماسكەۋ مەرى قالادا كوۆيد- ورتالىقتارىنىڭ جۇمىسى باستالعانىن ايتتى.