قازاقستاندا جەكە قورعانىس قۇرالدارى قانشالىقتى جەتكىلىكتى

«قازىر بارىنە جەكە قاۋىپسىزدىك قۇرالدارى جەتكىلىكتى مە، جوق پا - ايتۋ قيىن. دەفيتسيت قاشان دا بايقالادى. اسىرەسە ماسكا بويىنشا.. . الايدا قازىرگى ۋاقىتتا وتاندىق كاسىپورىنداردان اقۋىمدى كولەمدە ولار ساتىلىپ الىنىپ جاتىر. وتاندىق وندىرۋشىلەر قازىرگى كۇردەلى احۋالعا بايلانىستى وندىرىستىك قۋاتتىلىعىن ارتتىرىپ كەلەدى. وعان قوسا جەكە قاۋىپسىزدىك قۇرالدارى، ماسكالار قىتايدان كوپتەپ ساتىپ الىنىپ، ەلگە جەتكىزىلۋدە. وتكىر دەفيتسيت بار دەپ ايتۋعا كەلمەيدى. ايتسە دە ارينە قاجەتتىلىك بار»، - ارنۇر نۇرتايەۆ دەنساۋلىق ساقتاۋ مينيسترلىگىنىڭ Facebook پاراقشاسىندا سويلەگەن سوزىندە .

ونىڭ ايتۋىنشا مەديتسينالىق ۇيىمدار قازىر نارىقتاعى كوزدەردەن، وزگە وندىرۋشىلەردەن ساتىپ الىپ، قاجەتتىلىگىن جاۋىپ وتىر. ال وتاندىق كاسىپورىندار قاجەتتىلىكتى جابۋ ءۇشىن تاۋلىگىنە ءۇش اۋىسىم بويى جۇمىس ىستەۋدە. ارنۇر نۇرتايەۆ مەديتسينالىق ۇيىمدار بويىنشا جەكە قاۋىپسىزدىك قۇرالدارى قانداي مەحانيزممەن ءبولىنىپ، تاراتىلاتىنىن دا جەتكىزدى.

«ءاربىر مەديتسينالىق ۇيىمنىڭ بەرەتىن ءوز تاپسىرىسى بار. بۇل وتىنىمدەردى ءبىرىڭعاي ديستريبيۋتور ماقۇلدايدى. ءبارى ورتالىقتاندىرىلعان تارتىپتە جۇرگىزىلەدى. ەگەر ءبىرىڭعاۆي ديستريبيۋتور قاجەتتى كولەمدى ۋاقىتىندا جەتكىزە الماسا مەديتسينالىق ۇيىمدار ونى نارىقتان وزدەرى ساتىپ الا باستايدى. ءبارىبىر دە يمپورتتىڭ بارىن اتاپ ءوتۋ كەرەك»، - دەدى ول. ارنۇر نۇرتايەۆتىڭ ايتۋىنشا، ەگەر كۇزدە كوروناۆيرۋس ەپيدەمياسى قايتادان ءورشىپ كەتسە وتاندىق وندىرۋشىلەردىڭ ءبارى جەكە قاۋىپسىزدىك قۇرالدارىن بارىنشا ءوندىرۋ بويىنشا باعدارلامانى ازىرلەيدى.