ساياجايدا وت جاعىپ، كاۋاپ پىسىرۋگە تىيىم سالىنادى
«تۇرعىندار ساياجايلارىنا ءوز كولىكتەرىمەن بارا الادى. سونىمەن قاتار، الماتىنىڭ اۆتوبۋس پاركتەرى دە جۇمىلدىرىلدى. ولار ادامداردى بلوكپوستتارعا دەيىن جەتىكىزپ سالادى، ودان ارى قاراي وزدەرى الماتى وبلىسىنىڭ قوعامدىق كولىگىمەن نەمەسە تاكسيمەن جەتەدى» ، - دەدى قالا اكىمنىڭ ءبىرىنشى ورىنباسارى. سونىمەن قاتار، ول بلوكپوستتان ءوتۋ ءۇشىن جەكە كۋالىك پەن ءۇيدىڭ قۇجاتتى بولۋ كەرەكتىگىن اتاپ ءوتتى.
«ياعني، ساياجايعا جينالعان كەز كەلگەن ادام بلوكپوستتاردا جەكە باسىن كۋالاندىراتىن قۇجاتتاردى كورسەتىپ، پوليتسيا قىزمەتكەرەنە ساياجايعا بارا جاتقانىن ءتۇسىندىرىپ ايتسا بولعانى. ونى ءتارتىپ ساقشىلارى جىبەرەدى. ءبىز جەكە كولىكتەردى بازاعا بىرتىندەپ ەنگىزەمىز. ازىرشە، «سەرگەك» ارقىلى قاداعالايمىز. الداعى ۋاقىتتا بۇل جۇمىستىڭ بارلىعىن جۇيەلەپ، سيفرلاندىرامىز. قازىرگى ۋاقىتتا تۇرعىندارعا جەڭىل بولۋ ءۇشىن وسى رەجيمەن جۇرەمىز» ، - دەپ ءتۇسىندىردى ەرلان قوجاعاپانوۆ. ونىڭ ايتۋىنشا، ساياجايلار قاسكەلەڭ مەن تالعار تاس جولىنىڭ باعىتىندا ورنالاسقان.
«بۇگىنگى كۇنى بىزدە 27 مىڭ ساياجاي ۋچاسكەلەرى كارانتيندىك ايماقتان تىس جەردە ورنالاسقان. سوندىقتان ساياجايدان قايتقان 27 مىڭ ادامدى كارانتينگە وتىرعىزۋ وڭاي ەمەس. مەن تۇرعىنداردان كارانتين اياقتالعانشا مۇمكىندىگىنشە سول ساياجايدا قالۋلارىن سۇرايمىن» ، - دەدى ول سونداي- اق، سپيكەر بۇگىنگى تاڭدا جەدەل شتاب كوشەتتەر ساتاتىن بارلىق دۇكەندەردى اشۋ تۋرالى شەشىم قابىلداعانىن تىلگە تيەك ەتتى. « باقشا جۇمىستارىنا ارنالعان كۇرەك، تىرما سياقتى قۇرالدار ساتاتىن دۇكەندەر اشىلادى» ، - دەپ قوستى ول. ەرلان قوجاعاپانوۆ قالالىقتاردى ساياجايدا وت جاعىپ، كاۋاپ پىسىرمەۋگە شاقىردى. ايتا كەتەيىك، قالا تۇرعىندارى ساياجايعا بارۋ ءۇشىن ارنايى بەكىتىلگەن ەرەجەنى ساقتاۋى ءتيىس.
