ۇشاقپەن ۇشاتىن ازاماتتا انىقتاما بولۋى كەرەك - داۋرەن ابايەۆ

«نۇر- سۇلتان مەن الماتى قالالارى اراسىندا ءبىرىنشى كەزەڭدە كۇنىنە 4 رەيس جاساۋ جوسپارلانۋدا. ونىڭ ىشىندە ەكى رەيس «ەير استانا»، ءبىر رەيس «فلاي ارىستان»، ءبىر رەيس «سكات» كومپانيالارىنا تيەسىلى. ولار بيلەت قۇنىن كارانتينگە دەيىنگى دەڭگەيدە ۇستاۋ مىندەتتى. ال جاعداي تۇزەلگەن سايىن رەيس سانىن، ۇشاق سىيىمدىلىعىن ارتتىرۋ ماسەلەسى قاراستىرىلادى. اۋە تاسىمالى، كولىكتەگى باس سانيترالىق دارىگەر بەكىتكەن كۇشەيتىلگەن سانيتارلىق تالاپتار ارقىلى جاسالادى. ۇشۋ ءۇشىن جولاۋشىدا COVID-19 بەلگىسى جوق ەكەنىن راستايتىن انىقتاما بولۋى كەرەك»، - دەدى داۋرەن ابايەۆ «حابار24» ارناسىنداعى ونلاين باسپا ءسوز ءماسليحاتىندا.

ءمينيستردىڭ ايتۋىنشا، انىقتامانىڭ جارامدىلىق مەرزىمى پىسىقتالىپ جاتىر. «جولاۋشىدا جەكە قورعانىش قۇرالدارىن قولدانىپ، ماسكا، قولعاپ كيۋى كەرەك. ءتيىستى قاشىقتىقتى ساقتاۋى قاجەت. اۋەجايدا جانە ۇشاقتا كۇشەيتىلەتىن دەزينفەكسيا جاسالادى»، - دەدى ول.

ەسكە سالا كەتسەك ق ر پرەزيدەنتى قاسىم- جومارت توقايەۆ توتەنشە جاعداي رەجيمىن بيىلعى 11 - مامىرعا دەيىن ۇزارتۋ تۋرالى جارلىق شىعارۋ جونىندە شەشىم قابىلدادى. بۇل تۋرالى مەملەكەت باسشىسى بۇگىنگى مالىمدەمەسىندە ايتقان بولاتىن. سونىمەن قاتار ۇكىمەت 1 - مامىردان باستاپ ەلوردا مەن الماتى اراسىنداعى رەيستەردى اشاتىن بولدى.

اۆتور: ايان بەكەن ۇلى