رەسەي كوروناۆيرۋس جۇقتىرعاندار سانى جاعىنان قىتايدان وزدى

ال بۇكىل ەل بويىنشا ولاردىڭ سانى 87147 گە جەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

وسىلايشا، رەسەي كوروناۆيرۋس جۇقتىرعان ادامدار سانى بويىنشا قىتايدان وزىپ كەتتى. قىتايدا قازىرگى كەزدە اۋرۋ جۇقتىرۋعا قاتىستى 84,5 مىڭ جاعداي تىركەلگەن. بۇل تۋرالى كوروناۆيرۋس ينفەكسياسىنىڭ تارالۋىنا قارسى كۇرەس جونىندەگى جەدەل شتابتىڭ دۇيسەنبى كۇنى تاراتقان مالىمەتىندە ايتىلعان.

«رەسەيدىڭ 85 وڭىرىندە كوروناۆيرۋس ينفەكسياسىن جۇقتىرۋعا قاتىستى 87147 جاعداي تىركەلدى. سوڭعى تاۋلىكتە 579 ادام اۋرۋحانادان شىعارىلدى، وسى ۋاقىتقا دەيىن 7346 ادام جازىلدى. كەشە كوروناۆيرۋستان 50 ادام قايتىس بولدى. جالپى العاندا، رەسەيدە جاڭا ۆيرۋستان 794 ادام كوز جۇمدى»، - دەلىنگەن شتابتىڭ حابارلاماسىندا.

ينفەكسيا جۇقتىرعان ادامداردىڭ 43,3 پايىزىندا (2693 ادام) اۋرۋدىڭ ەش بەلگىسى بولماعان. شتابتىڭ مالىمەتىنشە، رەسەيدە كوروناۆيرۋس جۇقتىرعان ادامدار سانىنىڭ ءبىر تاۋلىكتە ءوسۋى 7,66 پايىزعا دەيىن ازايعان.