قىتايدا ءبىر تاۋلىكتە ءۇش ادامنان عانا كوروناۆيرۋس تابىلدى
بەيجىڭ. قازاقپارات – ق ح ر گيگيەنا جانە دەنساۋلىق ساقتاۋ ىستەرى جونىندەگى مەملەكەتتىك كوميسسياسىنىڭ مالىمەتىنشە، كەشە قۇرلىقتىق قىتايدا كوروناۆيرۋس جۇقتىرعان 3 جاڭا جاعداي انىقتالعان. 80 ناۋقاس ەمدەلىپ شىقتى، قايتىس بولۋ جاعدايى تىركەلمەگەن، دەپ حابارلايدى قازاقپاراتتىڭ مەنشىكتى ءتىلشىسى.
3 جاڭا جاعدايدىڭ ەكەۋى سىرتتان اكەلىنسە، بىرەۋى جەرگىلىكتى جەردەن شىققان. قىتايدىڭ سولتۇستىك- شىعىسىنداعى حەيلۋڭجياڭ پروۆينسياسىندا تىركەلگەن. كوروناۆيرۋستىڭ سىرتتان اكەلىنگەن جاعدايلارىنىڭ جالپى سانى - 1636. بۇدان بولەك، وتكەن تاۋلىكتە سيمپتومسىز 25 جاڭا جاعداي انىقتالدى.
974 سيمپتومسىز ناۋقاس مەديتسينالىق باقىلاۋدا. تۇتاستاي العاندا، سوڭعى دەرەكتەر بويىنشا ق ح ر- دا كوروناۆيرۋس جۇقتىرۋدىڭ راستالعان فاكتىلەرىنىڭ جالپى سانى - 82830. 4633 ادام ۆيرۋستان كوز جۇمسا، 77454 ادام ساۋىعىپ اۋرۋحانادان شىقتى.
قازىرگى ۋاقىتتا 723 پاتسيەنت مەديتسينالىق مەكەمەلەردە ەم قابىلداۋدا. 52 ناۋقاستىڭ جاعدايى اۋىر دەپ باعالانعان. COVID-19 ەپيسەنترى بولعان ۋحان قالاسىندا 26-ساۋىردەگى جاعداي بويىنشا كوروناۆيرۋسپەن اۋىراتىن ناۋقاستار قالماعان. مۇنداي مالىمدەمەنى وتكەن جەكسەنبىدە بەيجىڭدە ق ح ر گيگيەنا جانە دەنساۋلىق ساقتاۋ ىستەرى جونىندەگى مەملەكەتتىك كوميسسياسىنىڭ رەسمي وكىلى جاسادى.
اۆتور: رۋسلان سۇلەيمەنوۆ
