كولىك جۇك سالعىشىنا جاسىرىنىپ بلوكپوستتان وتپەك بولعان ازامات ۇستالدى

تاراتىلعان اقپاراتقا قاراعاندا، 26- ءساۋىر كۇنى قاراعاندى وبلىسىنا قاراستى اباي اۋداندىق پوليتسيا باسقارماسى توپار پوليتسيا ءبولىمىنىڭ پوليتسيا قىزمەتكەرلەرى قىزمەتتەرىن اتقارۋ بارىسىندا «وڭتۇستىك» كارانتين بلوكپوستىندا قاراعاندى قالاسىنىڭ 47 جاستاعى تۇرعىنى جۇرگىزىپ كەلە جاتقان «Toyota Land Cruiser» كولىگىن توقتاتقان.

كولىك جۇرگىزۋشىسى پوستتان كەدەرگىسىز وتۋگە تىرىسقان. اۆتوموبيلدى تەكسەرۋ بارىسىندا جۇكسالعىشتا جاسىرىنىپ، بلوكپوستتان زاڭسىز وتپەك بولعان 35 جاستاعى ازامات ۇستالدى. كارانتين رەجيمىن بۇزعان ەكى ازاماتتىڭ دا ۇستىنەن ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابى 6-تارماعى بويىنشا اكىمشىلىك حاتتاما تولتىرىلىپ، ماتەريال سوتقا جىبەرىلدى.

ايتا كەتەرلىگى، ءبىر اپتا ىشىندە قاراعاندى وبلىسىنداعى بلوكپوستتار ارقىلى ادامدى زاڭسىز الىپ وتۋگە تىرىسقان ءۇشىنشى دەرەك تىركەلىپ وتىر. بۇعان دەيىن مۇنداي ەكى جايت بۇقار جىراۋ اۋدانىنا قاراستى مۇستاين اۋىلىنداعى بلوكپوستتا ورىن العان ەدى.