ەلوردالىق ءدامحانالار كارانتيندە قالاي جۇمىس ىستەپ جاتىر

قوعامدىق تاماقتانۋ نىساندارىنىڭ دا جەتكىزۋ قىزمەتى ساعات 22:00-گە دەيىن ۇزارتىلدى.

وسى ورايدا ەلوردالىق «Buter Bro» ج ش س ديرەكتورى مۇرات ساپابەكوۆ قازاقپارات تىلشىسىنە كارانتيننىڭ بيزنەسكە قالاي ىقپال ەتكەنىن ايتىپ بەردى.

«ءبىزدىڭ كومپانيا 2015 -جىلى قالانىڭ وڭ جاعالاۋىندا اشىلعان ەدى. ستريت- فۋد باعىتىندا ايتارلىقتاي تانىمال ورىنعا اينالدىق دەپ ايتا الامىن. بيىل ەلوردانىڭ سول جاعالاۋىنان تاعى ءبىر فيليالىمىز اشىلدى. اشىلعانى سول- اق ەدى، پاندەميا باستالىپ، ەلىمىزدە توتەنشە جاعداي رەجيمى ەنگىزىلدى. بۇل رەجيم ءبىز سەكىلدى تالاي شاعىن جانە ورتا بيزنەسكە اسەرىن تيگىزدى»، - دەيدى م. ساپابەكوۆ. ونىڭ ايتۋىنشا، كومپانيا تاعامدارى جەتكىزۋ قىزمەتى ارقىلى عانا قولجەتىمدى. تۇرعىنداردىڭ ءوزى كەلىپ، الىپ كەتۋىنە تىيىم سالىنعان.

«وسىعان بايلانىستى، قوسىمشا كۋرەرلەر جالداپ، Wolt قوسىمشاسىمەن جۇمىس ىستەي باستادىق. جەتكىزۋدە بارلىق سانيتارلىق نورمالار ساقتالادى. ياعني، كۋرەرلەرىمىز قورعانىس قۇرالىمەن، مەديتسينالىق ماسكا، قولعاپپەن قامتاماسىز ەتىلگەن. ءبىر تاپسىرىستى جەتكىزگەن سوڭ، مىندەتتى تۇردە قولىن سانيتايزەرمەن وڭدەپ، قولعابى مەن ماسكاسىن، ءبىر رەتتىك قورعانىس كيىمىن اۋىستىرادى جانە كەلەسى تاپسىرىستى جەتكىزگە اتتانادى»، - دەپ ءتۇسىندىردى كومپانيا وكىلى. تاپسىرىسى جەتكىزۋدە دە كليەنتتەرمەن 2-3 مەتر ارا قاشىقتىق ساقتالادى. «كارانتيننىڭ بىزگە پايدالى تۇستارى دا بولدى. ماسەلەن، ەكى جىل بويى كەيىنگە قالدىرىپ كەلگەن ينتەرنەت- سايتىمىزدى ءبىر تۇندە جاساپ شىعاردىق. قازىر وسى سايت پەن موبيلدى قوسىمشا، الەۋمەتتىك جەلىدەگى رەسمي پاراقشالارىمىز ارقىلى تاپسىرىس قابىلدايمىز. مۇندا كليەنت كۋرەردىڭ وزىنە جاقىنداماۋىن، تاپسىرىستى قالدىرىپ، 2-3 مەترگە الشاقتاۋىن تالاپ ەتە الادى. مۇنىڭ ءبارى - قاۋىپسىزدىك ماقساتىندا قولعا الىنعان شارالار. تاپسىرىس اقىسىن دا كليەنت ونلاين كارتا ارقىلى قاشىقتان جىبەرەدى»، - دەيدى م. ساپابەكوۆ.

ءدامحانا قىزمەتكەرلەرى دە جۇمىس ورنىندا بارلىق گيگيەنالىق تالاپتى ۇستانادى. «كۇندەلىكتى ساعات 11:00-دە جۇمىسقا كەلىپ، سانيتايزەرمەن قولىمىزدى، ۇستەلدەردى ءسۇرتىپ شىعامىز. ءار ەكى ساعات سايىن كۆارتس لامپاسىن 20 مينۋتقا قوسىپ قالدىرامىز. ەدەندى دە ىلعال شۇبەرەكپەن بىرنەشە رەت ءسۇرتۋ زاڭدىلىققا اينالدى. ارينە، تج سالدارىنان بۇرىنعىداي تۇتىنۋشىلار لەگى بايقالمايدى. دەگەنمەن، ءبىر ورىندا توقتاپ قالماي، تاپسىرىستار ارقىلى جۇمىس ىستەپ جاتىرمىز. كاراتيننەن ەرتەرەك شىعىپ، سۇيىكتى كەلۋشىلەرىمىزبەن تەزىرەك قاۋىشقىمىز كەلەدى»، - دەدى م. ساپابەكوۆ.

ەسكە سالا كەتەيىك، ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ مەملەكەتتىك كوميسسياسى بۇگىننەن باستاپ نۇر- سۇلتان جانە الماتى قالالارىندا جۇمىسىن باستايتىن كاسىپكەرلىك سۋبەكتىلەردىڭ ءتىزىمىن بەكىتتى. تىزىمدە ونەركاسىپتىك كاسىپورىندار، قۇرىلىس جانە جول- قۇرىلىس سالالارىنىڭ كومپانيالارى، ءىرى قۇرىلىس دۇكەندەرى، كولىك، قويما كومپانيالارى، اۋىل شارۋاشىلىعى ماقساتىنداعى سەرۆيستىك كومپانيالار، اۆتوسالوندار، ت ق س، اۆتو جۋۋ، دوڭگەلەك اۋىستىرۋ سەرۆيسى، اۆتوبولشەكتەر دۇكەندەرى، حيميالىق تازالاۋ، كەڭسە تەحنيكاسىن جوندەۋ جانە ەكىنشى دەڭگەيلى بانكتەر بار.

اۆتور: ايجان سەرىكجان قىزى