بيىل قانداي جولدار اقىلى بولادى

«بۇگىنگى تاڭدا رەسپۋبليكادا ۇزىندىعى 682 شاقىرىمدى قۇرايتىن اقىلى 4 جول ۋچاسكەسى بار. ولار: «نۇر- سۇلتان - شۋچە» ، «نۇر- سۇلتان - تەمىرتاۋ» ، «تەمىرتاۋ - قورعاس» ، «الماتى - قاپشاعاي» جولدارى. 2020 -جىلدىڭ 20 - ساۋىرىندەگى جاعدايعا سايكەس، اقىلى جولداردان جينالعان قاراجات كولەمى 1 103,6 ميلليون تەڭگەنى قۇرايدى»، - دەدى ول.

كوميتەت باسشىسىنىڭ ايتۋىنشا، جولداردا تولەم الۋ جۇيەسىن الداعى ۋاقىتتا دا ەنگىزۋ ماقساتىندا 2019 -جىلى ينۆەستيتسيالىق كونكۋرستىڭ قورىتىندىلارى بويىنشا «Computer Vision Technologies» ج ش س باسقاراتىن كونسورتسيۋممەن كەلىسىمشارت جاسالعان. اتالعان قۇجاتقا سايكەس، كونسورتسيۋم 11 مىڭ شاقىرىم جولدا تولەم الۋ جۇيەسىن ورناتۋ جانە ونى كۇتىپ ۇستاۋ مىندەتىن الادى. جوبا قۇنى 138, 8 ميلليارد تەڭگەنى قۇرايدى. «كەلىسىم اياسىندا وسى جىلى رەكونسترۋكتسيادان وتكەن ۇزىندىعى 5,7 مىڭ شاقىرىمدى قۇرايتىن جولداردا تولەم الۋ جۇيەسى ەنگىزىلەدى دەپ جوسپارلانۋدا. جولداردىڭ قالعان 5,3 مىڭ شاقىرىمى قايتا جاڭارتۋ جۇمىستارىنان وتكىزىلۋ مەرزىمىنە وراي 2024 -جىلعا دەيىن اقىلى بولادى. بۇگىنگى تاڭدا ينۆەستور جول ۋچاسكەلەرىن زەرتتەپ، باقىلاۋ اركالارىن ورناتۋ ورىندارىن بەلگىلەدى. سونداي- اق، جوبالىق زەرتتەۋ جۇمىستارى جۇرگىزىلىپ جاتىر» ، - دەدى سايرانبەك بارماقوۆ.

ال «قازاۆتوجول» ۇ ك» ا ق باسقارما ءتوراعاسى ۇلان ءالىپوۆتىڭ دەرەگىنشە، بيىل شىمكەنت - وزبەكستان شەكاراسى، قاپشاعاي - تالدىقورعان، ورال – ر ف شەكاراسى، نۇر- سۇلتان - پاۆلودار، قىزىلوردا - شىمكەنت - تاراز، اقتوبە - ورال – ر ف شەكاراسى سىندى جولداردا تولەم الۋ جۇيەسىن ەنگىزىلەدى.