شىعىس قازاقستاندا ءىرى قارا مالىنىڭ قىرىلۋىنا بايلانىستى ارنايى كوميسسيا جۇمىسىن باستادى

مالدىڭ ءولىم- ءجىتىمىن انىقتاۋ ءۇشىن 20 - ساۋىردە ءۇرجار اۋدانىنا قۇرامىندا ش ق و اۋماقتىق ۆەتەريناريالىق ينسپەكتسياسى مەن ش ق و اكىمدىگىنىڭ ۆەتەريناريا باسقارماسىنىڭ باسشىلارى بار ارنايى كوميسسيا كەلدى. وسى ۋاقىتقا دەيىن (17 - جانە 20 - ءساۋىر) سىناما الىنىپ، ءۇرجار اۋداندىق ۆەتەريناريالىق زەرتحاناسىنا جانە «رەسپۋبليكالىق ۆەتەريناريالىق زەرتحانا» ر م ك سەمەي وڭىرلىك فيليالىنا جىبەرىلدى. الدىن الا پرەتسيپيتاتسيالىق رەاكسيا (رپ) ، ميكروسكوپيا جانە باكتەريولوگيالىق تەرىس ناتيجە الىندى. زەرتتەۋلەر جالعاسۋدا، ءۇش كۇننەن كەيىن بيو- سىنامانىڭ قورىتىندىسى اياقتالادى، بۇل دياگنوز قويۋعا مۇمكىندىك بەرەدى. قازىر كوميسسيا ايماقتاعى ەپيزووتيالىق جاعدايدى باقىلاۋدا ۇستاپ وتىر. ايتا كەتسەك، ازىرگە بەلگىسىز سەبەپتەرمەن مال قىرىلعان كوكتال اۋىلدىق وكرۋگى ءۇرجار اۋدانىنىڭ تاۋلى ايماعىندا ورنالاسقان. اۋىلدىق وكرۋگتە 3 مىڭعا جۋىق ءىرى قارا، 3,6 مىڭ ۇساق مال جانە 629 جىلقى بار. ۆەتەريناريالىق ءىس- شارالار جوسپارىنا سايكەس 2019 -جىلدىڭ كۇزىندە جانە 2020 -جىلدىڭ باسىندا وكرۋگتە مالداردىڭ باسىم بولىگى قاۋىپتى اۋرۋلارعا قارسى ەگىلگەن. اتاپ ايتقاندا، اۋسىلعا قارسى 3235 باس ءىرى قارا جانە 2 مىڭ ۇساق مال، ءسىبىر جاراسىنا قارسى 2 مىڭنان استام ءىرى قارا جانە 650 باس ۇساق مال، ەمكارعا قارسى 1,3 مىڭ باس ءىرى قارا مالعا ەكپە سالىندى. ەستەرىڭىزگە سالساق، وسى اپتادا باق بەتتەرىندە شىعىس قازاقستان وبلىسىنداعى بەلگىسىز اۋرۋدان ءىرى قارا مالى قىلىپ جاتىر دەگەن حابار تاراعان بولاتىن.