جانداربەك بەكشين الماتىلىق دارىگەرلەردىڭ كوروناۆيرۋستى قالاي جۇقتىرعانىن ءتۇسىندىردى

قالانىڭ باس سانيتار دارىگەرى مەديتسينا قىزمەتكەرلەرىنىڭ جاپپاي ۆيرۋس جۇقتىرۋىنا بايلانىستى ەپيدەميولوگيالىق تەكسەرۋ ءالى اياقتالماعانىن ايتتى.

«بۇل جەردە اۋرۋحانانىڭ ينفەكسيالىق اۋرۋلاردى ەمدەۋگە رۇقساتى بولماسا دا، ەم جۇرگىزگەنى انىقتالدى. ەڭ ءبىرىنشى جۇقتىرعان ادامدى دا تاپتىق. ينفەكتسيا ەڭ ءبىرىنشى دياگنوستيكالىق بولىمنەن تاراعان دەپ تۇسپالداپ وتىرمىز. ەڭ ءبىرىنشى اۋىرعان ادامدار وسى جاقتان شىققان. وسى جەرگە ك ت، ۋ ز د جاساۋعا كەلگەن ادامنان ونىڭ قاسىندا جۇرگەن مەدبيكەگە جۇققان. ول پاتسيەنتتىڭ وتباسىنداعى 13 ادام تۇگەل تەكسەرىلدى. ولاردىڭ ناتيجەسى ۆيرۋس جۇقتىرعانىن راستامادى»، - دەدى جانداربەك بەكشين. ونىڭ ايتۋىنشا، بۇل اۋرۋحانادا كوروناۆيرۋس جۇقتىرعان ناۋقاستار وقشاۋلانعان. مەملەكەتتىك مەكەمەلەرگە حابارلاماستان قابىلداۋ بولىمىندە پنيەۆمونياعا شالدىققان 5 توسەك ورىننان ارتىق يزولياتور اشىلعان.

«بۇل اۋرۋحانا ينفەكتسيالىق ناۋقاستاردى ەمدەگەن. بۇل قىزمەتكە رۇقساتى بولماسا دا. قابىلداۋ بولىمىندە ناۋقاستاردى وقشاۋلاعان. بەينەكامەراداعى كادرلارعا سەنسەك، قىزمەتكەرلەر اۋرۋحانانىڭ ىشىندە قورعانىس قۇرالدارىنسىز ەمىن- ەركىن ارالاپ جۇرگەن. بۇنىڭ بارلىعى جاپپاي جۇقتىرۋعا اكەلەدى. قازىر بولىمدەردىڭ بارلىعى جەكەلەندى. ەندى وسىدان كەيىن جۇقتىرۋ كورسەتكىشى تۇسەدى دەگەن ويدامىز» ، - دەدى ج. بەكشين. ايتا كەتۋ كەرەك، 2020 -جىلعى 18 - ساۋىردە جانداربەك بەكشين الماتى قالاسىنىڭ باس سانيتار دارىگەرى قىزمەتىنە تاعايىندالعان بولاتىن.