تۇركىستان تۇرعىنى تىيىم سالىنعان ءدىني اعىمدى ناسيحاتتاعانى ءۇشىن جازالاندى
جەدەل ىزدەستىرۋ شارالارىن جۇرگىزگەن ءتارتىپ ساقشىلارى وسى اۋديوجازبالاردى تاراتىپ جۇرگەن تۇرعىندى تاپقان، دەپ حابارلايدى قازاقپارات ءتىلشىسى.
ءوڭىردىڭ پوليتسيا قىزمەتكەرلەرى اتالعان ماتەريالداردى تاراتىپ- جەتكىزۋشى كۇدىكتىنى انىقتاپ، جەتىساي پوليتسيا بولىمىنە جەتكىزدى. تەرگەۋ بارىسىندا ونىڭ دەسترۋكتيۆتى- ءدىني اعىمدى ۇستانۋشى رەتىندە ەسەپتە تۇراتىنى انىقتالدى. جاۋاپ الۋ كەزىندە ول ءوزىنىڭ تەرىس ارەكەتىن تولىق مويىنداپ، اتالمىش اۋديوجازبا دەرەكتەرىن پوليتسەيلەردىڭ الدىندا ءوشىرىپ تاستادى. سەبەبى، بۇل دارىستەرگە اقتوبە وبلىستىق سوتىنىڭ قاۋلىسىمەن 2019 -جىلى تىيىم سالىنعانى بەلگىلى بولدى.
«ساراپتاما قورىتىندىسىنا سايكەس، بۇل ماتەريالداردىڭ ق ر زاڭناماسىنا قايشى كەلەتىنى انىقتالعان. اۋديوجازبا ەلدەگى كونستيتۋتسيالىق قۇرىلىمدى كۇشتەپ وزگەرتىپ، مەملەكەتتىڭ قاۋىپسىزدىگىنە نۇقسان كەلتىرۋگە باعىتتالعان. سونداي- اق، سوعىستى جانە ارازدىقتى ناسيحاتتايتىنى ايقىندالعان. سوت شەشىمىمەن ەر ادام ق ر ا ق ب ت ك 453-بابىنىڭ 2-بولىگىمەن كىنالى دەپ تانىلىپ، 20 ا ە ك ايىپپۇل تۇرىندە اكىمشىلىك جاۋاپكەرشىلىككە تارتىلدى» دەلىنگەن حابارلامادا.
