ا ق ش تۇرعىندارى كارانتيندى قالاي وتكىزىپ جاتىر - قازاقستاندىقتىڭ سۇحباتى

قازىرگى ۋاقىتتا ا. كيريلوۆسكايا ۆيردجينيا شتاتىندا تۇرادى. ونىڭ ايتۋىنشا، ۆيردجينيادا ناۋرىزدىڭ سوڭىندا كارانتين جاريالانىپ، 27- ساۋىرگە دەيىن جالعاسادى دەپ حابارلانعان. الايدا كەيىنىرەك رەجيم 10 - ماۋسىمعا دەيىن ۇزارتىلعان.

ا ق ش كوروناۆيرۋس پاندەمياسىمەن قالاي كۇرەسىپ جاتىر

ا ق ش- تا كوروناۆيرۋستىڭ تارالۋى ايتارلىقتاي قارقىن الىپ كەلەدى. بۇگىن 771 مىڭ اۋرۋ راستالدى، 41 مىڭ ادام قايتىس بولدى. 69 مىڭ ادام ەمدەلىپ شىقتى. اسىرەسە نيۋ- يورك شتاتىندا جاعداي قيىن، وندا 248,5 مىڭ ادام اۋرۋ جۇقتىرسا، ونىڭ 134,5 مىڭى - نيۋ- يورك قالاسىندا.

«مەنىڭ دوستارىمنىڭ ايتۋىنشا، ولاردىڭ كەيبىرەۋى نيۋ- يورك اۋرۋحانالارىندا جۇمىس ىستەيدى، رەانيماتسيا بولىمشەلەرىندە دە، ءمايىتحانالاردا دا، ءتىپتى كوشەدەگى شۇعىل جابدىقتالعان اۋرۋحانالاردا دا بوس ورىن جوق. كوروناۆيرۋس جۇقتىرعان دوستارىممەن دە سويلەستىم. ولار ەكى اپتادان بەرى ۇيدە جاتىر، جاعدايلارى اۋىر: دەنە قىزۋى 40 گرادۋسقا جەتىپ، ديارەيا، قۇسۋ، جۇرەك اينۋ بەلگىلەرى بايقالعان. ولار اۋرۋحاناعا جاتا المايدى، ويتكەنى ورىن جوق. اۋرۋ جۇقتىرعان دارىگەرلەر بارلىعىنا سابىرمەن، توزىممەن قارايدى، ويتكەنى جۇم

ىس بابىمەن اۋرۋدىڭ قالاي وتەتىنىن كورگەن. قاتارداعى ازاماتتاردا اۋرۋدىڭ نەگىزگى بەلگىلەرىمەن قوسا، ۇرەي مەن قورقىنىش بار» ، - دەيدى الينا كيريلوۆسكايا.

سپيكەر تۇراتىن وكرۋگتە مەكتەپتەر مەن كوللەدجدەر، كەڭسەلەر، جەكە ەمحانالار، سۇلۋلىق سالوندارى جانە وزگە دە قىزمەت كورسەتۋ نىساندارى جابىلعان. وقۋ جىلىنىڭ سوڭىنا دەيىن قاشىقتان وقىتۋ فورماتى ساقتالادى. «ءساۋىردىڭ ورتاسىنان باستاپ سۋپەرماركەتتەردىڭ كىرەبەرىسىنە قورشاۋلار قويىلىپ، كەزەكپەن كىرەتىن بولدىق. ەسەسىنە بەنزين ايتارلىقتاي ارزاندادى: ءبىر گاللون (4,5 ليتر) ءۇشىن 2,29 دوللار، بەنزيننىڭ ەڭ ارزان ءتۇرىنىڭ باعاسى 1,53 دوللارعا دەيىن تومەندەدى. تەك ساپارلاپ باراتىن جەردىڭ جوق ەكەنى وكىنىشتى» ، - دەيدى الينا.

توتەنشە جاعداي كەزىندەگى الەۋمەتتىك تولەمدەر جانە جۇمىسسىزداردى قولداۋ

«ادەتتەگى ۋاقىتتا قىزمەتكەر جۇمىستان بوساتىلسا نەمەسە دالەلدى سەبەپتەرمەن جۇمىستان شىعارىلسا، جاردەماقى العان كەزدە ول بەلسەندى تۇردە جاڭا جۇمىس ىزدەۋگە جانە ونى دالەلدەۋگە مىندەتتى ەدى. ەندى ۋاقىتشا جۇمىسسىزداردىڭ بارلىعى جۇمىسىنان ايىرىلۋ سەبەبىن كورسەتەتىن باعانعا «كوروناۆيرۋس» ءسوزى مەن جۇمىسقا شامامەن قايتىپ ورالۋ كۇنىن جازادى» ، - دەدى الينا كيريلوۆسكايا. ونىڭ ايتۋىنشا، فەدەرالدىق توتەنشە جاعدايلار كەزىندە حالىقتى قولداۋ قورى جۇمىسسىزدارعا تولەنەتىن جاردەماقىلاردان باسقا، ۋاقىتشا جۇمىسسىزدارعا اپتاسىنا 600 دوللاردان ءبولدى. بۇل شامامەن جالاقىنىڭ % 60 قۇرايدى. سونىمەن بىرگە، ءساۋىردىڭ ورتاسىندا تۇرعىنداردىڭ كوپشىلىگى ا ق ش پرەزيدەنتى دونالد ترامپتىڭ 1200 دوللار كولەمىندەگى ءبىرجولعى تولەمىن الدى. قازىر پاندەميا كەزەڭىندەگى جالگەرلىك جانە يپوتەكالىق تولەمدەردى كەيىنگە قالدىرۋ/توقتاتۋ ماسەلەلەرىن تالقىلانىپ جاتىر. ارينە، بۇل باستامانى حالىق جاقسى قابىلدادى، ءبىراق قارجى سەكتورى مەن پرەزيدەنت اكىمشىلىگىنىڭ كەيبىر وكىلدەرى مۇنى ەل ەكونوميكاسىنا قوسىمشا سوققى دەپ سانايدى. ترامپ ۋادە ەتكەن 1200 دوللاردى بارلىق سالىق تولەۋشىلەر الا المايدى. تەك ەلدە تۇرۋعا زاڭدى مارتەبەسى بار ادامدارعا، ياعني، ا ق ش ازاماتتارى مەن تۇرعىندارعا (گرين كارتا يەلەرى) بەرىلەدى. زاڭدى مارتەبەسى جوق، ءبىراق ۇنەمى سالىق تولەيتىن يمميگرانتتار قوسىمشا مەملەكەتتىك قولداۋ الا المايدى» ، - دەيدى ول.

كارانتيندە دۇكەندەر قالاي جۇمىس ىستەيدى

الينا كيريلوۆسكايا ازىق- تۇلىك دۇكەندەرى مەن سۋپەرماركەتتەردىڭ، ءدارىحانالاردىڭ جۇمىس ۋاقىتى قىسقارعانىن اتاپ ءوتتى. «ماسەلەن، تاۋلىك بويى جۇمىس ىستەيتىن Walmart گيپەرماركەتى قازىر 20:00 دە جابىلادى. ازىق- تۇلىك، اۋىز سۋ، جەمىس- جيدەك، ەت، الكوگولدى ىشىمدىك، تازارتۋ قۇرالدارى سىندى كوپتەگەن تاۋاردى تاپسىرىسپەن الدىرۋعا بولادى. نەمەسە ارنايى اۆتوتۇراق ارقىلى تاپسىرىستى الىپ كەتۋگە رۇقسات ەتىلگەن. اقىسى سۋپەرماركەت سايتىندا ونلاين تولەنەدى جانە دۇكەن قىزمەتكەرى تاۋاردى جۇكسالعىشقا تيەپ بەرەدى. وسىلايشا، تۇرعىنداردىڭ دۇكەنگە كىرىپ، ينفەكتسيا جۇقتىرۋ قاۋپىن ازايتادى. TJ Maxx, Marshalls سىندى تانىمال ۋنيۆەرماگتەر كارانتيندە جۇمىسىن تولىق توقتاتتى، ءتىپتى ونلاين تاپسىرىس تا قابىلدامايدى. قارۋ دۇكەندەرى كەرىسىنشە بەلسەندى ساۋدا- ساتتىققا كىرىستى. زاڭ جۇزىندە قارۋ رۇقسات ەتىلگەن شتاتتاردا امەريكالىقتار وق- دارىلەر مەن قارۋدى كوپتەپ ساتىپ الىپ جاتىر. جەرگىلىكتى بيلىك مۇنداي بەلسەندىلىكتى بايقاپ، ماسەلەنى رەتتەگىسى كەلدى. ءبىراق، زاڭ قابىلداۋعا بىرنەشە اپتا قاجەت، ال قارۋ بىرنەشە ساعاتتا- اق ساتىلىپ كەتەدى. كينوتەاترلار تولىعىمەن جابىلدى. مەيرامحانالار تاپسىرىس قابىلداپ، جەتكىزۋمەن اينالىسادى. تاپسىرىس تولەمىن (شامامەن 5 دوللار) ۇنەمدەگىسى كەلگەندەر تاپسىرىستى مەيرامحانادان وزدەرى الىپ كەتە الادى. ءدارىحانالار دا تاپسىرىس قابىلدايدى نەمەسە اۆتوكولىكپەن شىقپاي- اق، ارنايى تەرەزەدەن ءدارى ساتىپ الۋعا بولادى. ءبىر سوزبەن ايتقاندا، كليەنتتەرگە قولايلى بولۋى ءۇشىن بارلىق جاعداي قاراستىرىلعان. جالداۋ، كوممۋنالدىق قىزمەتتەر تولەمىن تۇرعىندار ونلاين نەمەسە چەك جىبەرۋ ارقىلى تولەي الادى» ، - دەيدى ا. كيريلوۆسكايا. ءار شتاتتىڭ ءوز كارانتيندىك شارالارى بار مامانداردىڭ بولجامىنا سايكەس، ا ق ش- تا كوروناۆيرۋستىڭ تارالۋ شىڭى مامىردا تىركەلەدى. ونىڭ ۇستىنە، ءاربىر شتاتتىڭ ءوز كارانتيندىك شارالارى بار.

«ماسەلەن، ەپيدەميا قىسقى كانيكۋلدىڭ قىزعان شاعىندا باستالعان فلوريدادا ەلدىڭ ءار تۇكپىرىنەن جاعاجايعا كەلگەن ستۋدەنتتەردى پوليتسيا تىنىشتاندىرا المادى. ناۋرىزدىڭ باسىندا جاعاجايلار جابىلدى، ال ستۋدەنتتەر ۇيلەرىنە كەتتى. بىرنەشە كۇن بۇرىن فلوريدا گۋبەرناتورى تاڭەرتەڭگى 8:00 دەن 11: 00 گە دەيىن جانە 17: 00 دەن 20: 00 گە دەيىن جاعاجايلار اشىلاتىنىن جاريالادى، ءبىراق حالىقتى كارانتيندىك قاشىقتىقتى ساقتاۋعا شاقىردى. ءبىزدىڭ ۆيردجينيادا كەيبىر ساياباقتار مەن تاۋلارداعى سەرۋەن جولدارى اشىق كۇيىندە قالدى. ءبىراق، قازىر وندا دا ادام قاراسى كوبەيىپ كەلەدى» ، - دەدى الينا كيريلوۆسكايا. سونىمەن بىرگە، ا. كيريلوۆسكايا كارانتيندەگى پوليتسيا قىزمەتكەرلەرىنىڭ ەڭبەگىن ەرەكشە اتاپ ءوتتى.

«شىن مانىندە ءبىزدىڭ وكرۋگتە كارانتيندى ساقتاۋدىڭ قاتاڭ ەرەجەلەرى جوق. پوليتسيا قىزمەتكەرلەرى كوشەدە، ساياباقتار مەن جاعاجايدا پاترۋل جۇرگىزەدى. بيلىك ۇيدەگى زورلىق- زومبىلىقتىڭ كوبەيۋى جاعدايىنا دايىن ەكەندىكتەرىن جەتكىزدى. بۇل دا دۇرىس شەشىم، ويتكەنى كارانتيندە اگرەسسورمەن ءبىر ۇيدە وتىرۋعا ءماجبۇر ادامدار بار. وتباسىنداعى زورلىق- زومبىلىق - بۇكىلالەمدىك ماسەلە. مۇندايدا قورعاۋعا ءازىر قورعايتىن زاڭ، پوليتسيا بار ەكەنىن بىلەتىن تۇرعىندار وزدەرىن جايلى سەزىنەدى» ، - دەيدى ا. كيريلوۆسكايا. جالپى العاندا، حالىق ءپوزيتيۆتى كوڭىل- كۇيدە ءبىر- بىرىنە قولداۋ كورسەتىپ جاتىر.

«گوسپيتال قىزمەتكەرلەرىنە تەبىرەنتەرلىك حاتتار جازىپ قالدىرادى. مەيرامحانا يەلەرى مەدبيكەلەرگە، ءورت سوندىرۋشىلەرگە، پوليتسەيلەرگە جانە باسقا دا قىزمەتكەرلەرگە تەگىن تاماقتار جىبەرەدى. مۇعالىمدەر مەن مەكتەپ اكىمشىلىكتەرى تاڭعى اس پاكەتتەرىن ازىرلەپ، وقۋشىلاردىڭ ۇيلەرىنە جىبەرەدى. امەريكالىقتار، ۇكىمەت مۇشەلەرى، بيلل گەيتس باستاعان مەتسەناتتار ۆاكتسيناتسيا ماسەلەلەرىن اشىق تالقىلاپ جاتىر» ، - دەدى الينا كيريلوۆسكايا.