سولتۇستىك كورەيادا كيم چەن ىننىڭ ورنىنا ادام دايىنداپ جاتىر – ب ا ق
نۇر-سۇلتان. قازاقپارات – سولتۇستىك كورەيا 2019 -جىلدىڭ سوڭىنان باستاپ ەل باسشىسى كيم چەن ىننىڭ ورنىنا ونىڭ كەنجە قارىنداسى كيم ە جوندى شۇعىل جاعدايلارعا بايلانىستى دايىنداپ كەلەدى، - دەپ حابارلايدى Tengrinews.kz ريا نوۆوستي اگەنتتىگىنە سىلتەمە جاساپ.
جاپونيانىڭ «يوميۋرۋ» گازەتى وڭتۇستىككورەيالىق جانە امەريكالىق دەرەككوزدەرگە سىلتەمە جاساپ، 2019 -جىلدىڭ سوڭىندا كورەيا ەڭبەك پارتياسىنىڭ ورتالىق اپپاراتىنىڭ پلەنۋمىندا كيم چەن ىن اياق استىنان قايتىس بولىپ قالسا، بيلىكتى ونىڭ قارىنداسى كيم ە جونعا بەرۋ شەشىمىن قابىلدانعانىن جازدى. گازەتتىڭ دەرەككوزدەرىنىڭ حابارلاۋىنشا، وسى شەشىمنەن كەيىن «كيم ە جوننىڭ اتىنان پارتيالىق جانە اسكەري سالادا ءتۇرلى تاپسىرما بەرىلگەن».
«يوميۋري» دەرەككوزدەرىنىڭ ايتۋىنشا، پحەنيانعا قاڭتار ايىندا كيم چەن ىننىڭ جاعدايى ناشارلاعان سوڭ فرانسيادان دارىگەرلەر كەلگەن. كيم چەن ىننىڭ قان قىسىمى جوعارى، جۇرەگى اۋىرادى، ديابەتى بار دەگەن اقپارات تارادى. ونىڭ ورنىنا كيم ە جوندى قويۋ جۇمىستارى جىلدامداپ، قازىر ول سولتۇستىككورەيالىق يەرارحيانىڭ الدىندا «ءنومىرى ەكىنشى ادام» بولدى.
بۇعان دەيىن CNN تەلەارناسى كيم چەن ىننىڭ سوڭعى كۇندەرى دەنساۋلىعى ناشارلاپ، كورىنبەي كەتكەنىن حابارلاعان.
ءبىراق كيم چەن ىنمەن ءۇش رەت كەزدەسكەن ا ق ش پرەزيدەنتى دونالد ترامپ سولتۇستىككورەيالىق باسشىنىڭ دەنساۋلىعى تۋرالى اقپاراتتى ەشكىم راستاماعانىن مالىمدەدى.
