كوروناۆيرۋس جۇقتىرعان قىتايلىق دارىگەرلەردىڭ دەنەسى قارايىپ كەتتى

بۇل تۋرالى Fr24news حابارلادى.

باسىلىمنىڭ حابارلاۋىنشا، يۋ فان جانە حۋ ۆەيفەنگ ۋحاننىڭ ورتالىق اۋرۋحاناسىندا ناۋقاستاردى ەمدەپ جۇرگەندە كوروناۆيرۋس جۇقتىرعان. ولاردىڭ جاعدايى قاتتى اۋىر بولعان. سىرقاتپەن كۇرەستە ەكستراكورپورال مەمبراندى وكسيگەناتسيا ءادىسى (قاننىڭ وتتەكپەن قانىعۋ ءادىسى) كومەكتەسكەن.

ەم قابىلداپ جاتقان دارىگەرلەر اۋرۋدان كەيىن كۇتپەگەن جاعدايلارعا تاپ بولعان. يۋ فان مەن حۋ ۆەيفەنگتىڭ تەرىسى ءبىرتۇرلى قارايىپ كەتكەن. كەيىن بۇعان گورمونداردىڭ الماسۋى سەبەپ بولعانى انىقتالدى. دارىگەرلەردىڭ ايتۋىنشا، بۇل كوروناۆيرۋس بۇكىل اعزاعا تاراعان كەزدە باۋىردىڭ زاقىمدانۋىنان بولىپ وتىر.

«قازىر جاعدايىم الدەقايدا جاقسى، ءبىراق ءوزىم قيمىلداي المايمىن. ساۋىعىپ جاتقانىما قۋانىشتىمىن، ءبىراق تەرىمنىڭ قارايعانىنا تاڭعالىپ وتىرمىن»، - دەدى دارىگەر يۋ فان.

يۋ فاندى ەمدەپ جاتقان دارىگەر باۋىر جازىلعاننان كەيىن ەكى ناۋقاستىڭ دا تەرىسى قالپىنا كەلەدى دەپ ۇمىتتەنەدى.

ەسكە سالايىق، 16- ساۋىردە ورتوپەديا كەڭەسىندەگى يسپانيالىق دارىگەرلەر قىزىلشا، جەلشەشەكپەن اۋىرعاندا شىعاتىن بورتپەلەر سياقتى اياقتاعى داقتار (تابان، ساۋساق) COVID-19 جۇقتىرعاننىڭ بەلگىسى ەكەنىن ايتقان بولاتىن.