قىرعىز ەلىنىڭ داڭقتى ايتىس اقىنى - ەلميربەك يماناليەۆ ومىردەن ءوتتى
ەلميربەك يماناليەۆ - 1978 - جىلى 17 - قاڭتاردا قىرعىزستاننىڭ توقتوعۇل اۋدانى وزگورۇش اۋىلىندا دۇنيەگە كەلگەن. قىرعىزستاننىڭ ەل ءارتيسى (2016) . ت. ساتىلعانوۆ اتىنداعى فيلارمونيا جانىنداعى ەكى جىلدىق ستۋديانى، ب. بەيشەناليەۆا اتىنداعى ونەر ينستيتۋتىنىڭ فولكلور ءبولىمىن بىتىرگەن.
«كۇتتىم، كۇتتىم»، «اق سەكەت»، «بۇلبۇلىم»، «بالقىما» جىرلارىن، اۋەندەرىن شىعارعان.
ە. يماناليەۆ قازاق اقىندارى – ورازالى دوسبوسىنوۆ، داۋلەتكەرەي كاپ ۇلى، م. قوسىمبايەۆ، بالعىنبەك يماشيەۆ، اينۇر تۇرسىنبايەۆا ت. ب. ءبىرقاتار اقىندارمەن ايتىسىپ، قازاق- قىرعىز ايتىسىنىڭ جارشىسى بولعان ەدى. ءومىرىنىڭ سوڭعى كەزىنە دەيىن «ايتىش» قوعامدىق قورىنىڭ اقىندار مەكتەبىندە ۇستازدىق ەتتى.
مارقۇمنىڭ وتباسىنا، تۋىس- تۋعاندارىنا، ايتىس جانكۇيەرلەرىنە، تۇتاس قىرعىز حالقىنا كوڭىل ايتا وتىرىپ، ورنى تولماس قايعىعا ورتاق ەكەندىگىمىزدى بىلدىرەمىز. اللا الدىنان جارىلقاسىن!
قازاقستان «ايتىس اقىندارى مەن جىرشى، تەرمەشىلەردىڭ حالىقارالىق وداعى» ر ق ب ۇجىمى.
