ەلوردادا توتەنەشە جاعداي رەجيمىن بۇزعان «بايكەرلەر» تۇتقىندالدى

ولاردىڭ ءارقايسىسىندا جۇمىسقا بارىپ- قايتۋعا رۇقسات قاعازى بار، ءبىراق جۇرگىزۋشىلەر جۇمىستان تىس ۋاقىتتا دا قالا ىشىندەگى قوزعالىسىن توقتاتپاي، كارانتين رەجيمىن بۇزعان. جازادان قاشۋ ءۇشىن جۇرگىزۋشىلەردىڭ كەيبىرى كولىگىنىڭ مەملەكەتتىك ءنومىرىن باۋمەن جانە مەتالل تورمەن جاسىرىپ قويعان. ناتيجەسىندە جۇرگىزۋشىلەر تەحنيكالىق تالاپتارعا ساي ەمەس جانە وقىلمايتىن نەمەسە مەملەكەتتىك نومىرلەردىڭ ۇلتتىق ستاندارتىنا ساي كەلمەيتىن كولىك ايداعانى ءۇشىن ق ر ا ق ب ك 590-بابى بويىنشا اكىمشىلىك حاتتاما تولتىرىلدى. سونىمەن قاتار، پوليتسەيلەر كەشكى ۋاقىتتا باعدارشامنىڭ تىيىم سالىنعان تۇسىنە ءوتىپ كەتكەن «Suzuki « ماركالى موتوتسيكلدىڭ 32 جاستاعى جۇرگىزۋشىسىن ۇستادى. موتوتسيكلدىڭ قۇجاتتارىن تەكسەرۋ بارىسىندا ساقتاندىرۋ ءپوليسى جوق ەكەنى بەلگىلى بولدى. سوت شەشىمى بويىنشا جۇرگىزۋشى ق را ق ب ك 476-بابى 1-تارماعى توتەنشە جاعداي رەجيمىن بۇزعانى ءۇشىن 5 تاۋلىككە قامالدى. سونىمەن قاتار ول ج ق ە بۇزعانى ءۇشىن اكىمشىلىك جاۋاپكەرشىلىككە تارتىلدى. توتەنشە جاعداي رەجيمىن بۇزعان 5 جۇرگىزۋشىگە قاتىستى ق را ق ب ك 476-باپ 1-تارماعى بويىنشا اكىمشىلىك ءىس قوزعالدى، ولاردىڭ بىرەۋى 5 تاۋلىككە قاماۋعا الىندى. ءتارتىپ بۇزۋشىلاردىڭ كولىگى، ياعني موتوتسيكلدەر كوممۋنالدىق تۇراققا قويىلدى.