ەلىمىزدىڭ ءبىر قاتار ايماقتارىندا ۇسىك جۇرەدى

«اۋا رايىنىڭ جىلىنۋىنا بايلانىستى تاۋداعى قار ەريدى. مۇنداي جايت الماتى وبلىسىندا سەل ءجۇرۋ قاۋپىن تۋدىرادى. بۇعان قوسا، مامىر ايىندا اۋا تەمپەراتۋراسى نورمادان جوعارى بولماق ءارى سۋ تاسقىنى قاۋپىن ۇلعايتا تۇسەدى. مامىردىڭ اۋا رايى بولجامىنا توقتالسام، بۇل ايدا ەلدىڭ وڭتۇستىك- باتىس بولىگىندە كۇن جىلى، جاۋىن- شاشىن از تۇسەدى. ال سولتۇستىك- شىعىس بولىگىندە سالقىن بولىپ، نورمامەن شامالاس نەمەسە ودان كوپ جاۋىن- شاشىن كۇتىلەدى. سونىمەن قاتار ەكپىنى سەكۋندىنا 15-20 مەترگە جەتەتىن جەل سوعۋى ىقتيمال» ، - دەدى ول.

ونىڭ دەرەگىنشە، ءساۋىردىڭ 25نىنە دەيىن بۇكىل ەل اۋماعىندا كۇن جىلى بولادى. ودان كەيىن 25 - ساۋىردەن باستاپ ەلىمىزدىڭ ورتالىق جانە سولتۇستىك وبلىستارىندا تۇندە -5 گرادۋسقا دەيىن سۋىق تۇسەدى. «ال ودان كەيىن بىرتىندەپ كۇن جىلىنا باستايدى» ، - دەدى ديدار جانىبەك ۇلى.