كوروناۆيرۋستان ۇرەيلەنگەن شەتەلدىك تۋريستەر ءبىر ايعا جۋىق ۋاقىت ۇڭگىردە تىعىلعان
ريشيكەش. قازاقپارات - كوروناۆيرۋستىڭ تارالۋ قاۋپىنەن ەنگىزىلگەن كارانتين رەجيمىندە تۇراتىن ادامدار قولدان كەلگەنشە ۇيرەنىپ جاتسا، شەتەلدىك التى تۋريست ىندەتتەن ءۇندىستانداعى ۇڭگىردە جاسىرىنعان.
پوليتسيا قىزمەتكەرىنىڭ ايتۋىنشا، ءبىر توپ تۋريست ءۇندىستاننىڭ سولتۇستىگىندە ورنالاسقان ۋتتاراكحاند شتاتىنداعى ريشيكەش قالاسى ماڭىنداعى ۇڭگىردە ءبىر ايعا جۋىق ۋاقىت تۇرعان. پوليتسيا تۋريستەردى جەكسەنبى كۇنى انىقتاعان.
ولاردىڭ اراسىندا فرانسيا، تۇركيا، ۋكراينا، ا ق ش جانە نەپالدان جينالعان ءتورت ەر ادام مەن ەكى ايەل بار. ەلدەگى ەرەجەلەر بويىنشا، ولاردىڭ بارلىعى كارانتينگە جاتقىزىلدى، دەپ حابارلايدى قازاقپارات CNN- گە سىلتەمە جاساپ.
«اقشاسى بىتكەن تۋريستەر قوناقۇيدەن كەتىپ، ۇڭگىردەن پانا تاپقان»، - دەدى ۋتتاراكحاند پوليتسياسىنىڭ وكىلى مۋكەش چاند.
ولار ۇڭگىردە 24-ناۋرىزدان بەرى تۇرىپ جاتقان. ءۇندىستان پرەمەر-ءمينيسترى نارەندرا مودي 25 -ناۋرىزدان باستاپ 14-ساۋىرگە دەيىن ەلدە قاتاڭ وقشاۋلاۋ رەجيمىن ەنگىزدى. كەيىن ەل بيلىگى كارانتيندى كەمىندە 3-مامىرعا دەيىن ۇزارتقان. 20-ناۋرىزدان باستاپ تۋريستەرگە ۋتتاراكحاند شتاتىنا كىرۋگە تىيىم سالىنعان. ەل بيلىگى كارانتين سەبەبىمەن ەلدە قالىپ قويعان شەتەلدىك ازاماتتارعا كومەكتەسۋ ءۇشىن «ءۇندىستاندا قالىپ قويعان» ۆەب-سايتىن اشتى.
دجون حوپكينس ۋنيۆەرسيتەتىنىڭ مالىمەتىنشە، ءۇندىستاندا كوروناۆيرۋس جۇقتىرۋدىڭ 17615 وقيعاسى تىركەلگەن، 559 ادام قايتىس بولدى. ريشيكەش - يوگانىڭ الەمدىك استاناسى رەتىندە تانىمال قالا.
