قوردايعا قوناققا كەلگەن ەلوردالىق ەرلى-زايىپتىلار كوروناۆيرۋستان ايىعىپ كەتتى

ولاردىڭ قاتارىندا تۇركيا ازاماتى، نۇر-سۇلتان قالاسى، قورداي اۋدانى جانە الماتى وبلىسىنىڭ تۇرعىندارى بار، دەپ حابارلايدى قازاقپارات وبلىس اكىمدىگىنىڭ رەسمي سايتىنا سىلتەمە جاساپ.

1961-جىلى تۋعان تۇركيا ازاماتى جامبىل وبلىسىنا قىرعىز رەسپۋبليكاسىنان ۇلكەن جۇك كولىگىمەن كەلگەن.

COVID-19 تالداۋى وڭ ناتيجە كورسەتكەننەن كەيىن ينفەكتسيالىق ستاتسيونارعا جاتقىزىلعان بولاتىن.

سول سەكىلدى 1999-جىلى تۋعان الماتى وبلىسىنىڭ تۇرعىنى دەلي-تاراز رەيسىنىڭ كوروناۆيرۋس ينفەكتسياسى انىقتالعان التى جولاۋشىسىنىڭ ءبىرى بولىپ تابىلادى. ال، 1990- جانە 1991-جىلى تۋعان ەرلى-زايىپتىلار نۇر-سۇلتان قالاسىنان قورداي اۋدانىندا كەلگەن كەزدە ولاردان COVID-19 ۆيرۋسى تابىلعان ەدى.

بۇگىندە ولار قاۋىپتى دەرتتەن ايىقتى. سونداي-اق، قورداي اۋدانىنىڭ 1996-جىلى تۋعان تۇرعىنى جاقىن بايلانىستا بولعانى ءۇشىن 3- ساۋىردە اۋرۋحاناعا جاتقىزىلىپ، كوروناۆيرۋستىق ينفەكتسيا دياگنوزى راستالعان.

بۇل تۇلعالاردىڭ ءبارى ەكى اپتا بويى ينفەكتسيالىق ستاتسيوناردا ەم الدى. الگوريتمگە سايكەس، ولاردان ك ۆ ي- عا قايتادان زەرتحانالىق تالداۋ الىنىپ، ول تەرىس ناتيجە كورسەتتى. ەندى ولار الداعى ەكى اپتا بويى ءۇي كارانتينىنە جاتقىزىلىپ، دارىگەرلەردىڭ باقىلاۋىندا بولادى.

بۇگىنگى تاڭدا ينفەكتسيالىق ستاتسيوناردا 46 ناۋقاس ەم الۋدا، جاعدايى تۇراقتى. جالپى ايماقتا وسىمەن 11 ادام كوروناۆيرۋستان ساۋىعىپ شىقتى.