ق ر جوعارعى سوتى ارمان شورايەۆتىڭ ءىسى بويىنشا الدىن الا باعا بەرۋگە اسىقپاۋدى سۇرادى
«ارمان شورايەۆقا قاتىستى بۇلتارتپاۋ شاراسىنا رۇقسات بەرۋ مۇمكىندىگى بويىنشا مىنانى حابارلايمىز: قازىرگى ۋاقىتتا الماتى قالاسىنىڭ تەرگەۋ سوتىنا وعان قاتىستى ءىس ماتەريالدارى كەلىپ تۇسكەن جوق»، - دەپ جازدى ايدوس ءسادۋاقاسوۆ Facebook - تە.
جوعارعى سوتتىڭ باسپا ءسوز حاتشىسى اتاپ وتكەندەي، ب ا ق وكىلدەرىنىڭ پروتسەسكە قاتىسۋ ماسەلەسىن شەشۋ تەك قانا سوتتىڭ ايرىقشا قۇقىعىندا.
«زاڭ بويىنشا ەشكىمنىڭ، ءتىپتى جوعارعى سوت ءتوراعاسىنىڭ دا ءادىل سوت پروتسەسىنە ارالاسۋعا قۇقىعى جوق. ءىستى وندىرىسكە العان سۋديانى باقىلاۋ جانە وعان نۇسقاۋ بەرۋدى ءادىل سوت شەشىمىن قابىلداۋعا قول سۇعۋ رەتىندە قاراستىرعان ءجون، بۇعان جول بەرىلمەيدى. سوتتىڭ ءىس-ارەكەتىنە الدىن الا باعا بەرۋگە اسىقپاۋدى سۇرايمىز»، دەپ قوستى ايدوس ءسادۋاقاسوۆ.
بۇعان دەيىن حابارلانعانداي، ارمان شورايەۆ توتەنشە جاعداي كەزىندە الدىندا الا جالعان اقپارات تاراتقانى ءۇشىن ۋاقىتشا ۇستاۋ وقشاۋلاعىشىنا قامالعان بولاتىن.
