قىزمەتتىك ءيت بلوكپوستتان وتپەك بولعان جۇرگىزۋشىدەن ەسىرتكى تاپتى

قولعا تۇسكەن كولىك جۇرگىزۋشىسى بلوكپوستتان ەسىرتكى وتكىزبەك بولعان.

بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى ءمالىم ەتتى.

«اتالعان اۋىل ماڭىنداعى بلوكپوستتا وبلىستىق پوليتسيا دەپارتامەنتىنىڭ جەرگىلىكتى پوليتسيا قىزمەتى جانە ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى «اۋدي-100» ماركالى اۆتوكولىگىن توقتاتىپ، تەكسەرۋ بارىسىندا قىزمەتتىك ءيت جۇرگىزۋشى كۇرتەسىنىڭ ىشكى قالتاسىنان ەسىرتكى زاتىن تاپتى»، - دەلىنگەن ۆەدوموستۆو حابارلاماسىندا.

سوت-حيميالىق ساراپتامانىڭ قورىتىندىسىنا سايكەس، تاركىلەنگەن زاتتىڭ ماريحۋانا ەكەندىگى بەلگىلى بولدى.

ۇستالعان ازامات ءوز كىناسىن تولىق مويىنداعان. قازىرگى تاڭدا ق ر ق ك 296-بابى 2-بولىگى ءبويىنشا سوتقا دەيىنگى تەرگەۋ باستالدى.