كوروناۆيرۋس: ب ق و- دا سوڭعى تىركەلگەن جەتى ناۋقاس تا رەسەيدەن كەلگەن بولىپ شىقتى

بۇعان دەيىن حابارلاعانىمىزداي، 18- ءساۋىر كۇنگى ساعات 22.30 داعى سوڭعى مالىمەتكە سايكەس قازاقستاندا كوروناۆيرۋسپەن اۋىرعاندار سانى 1630 عا جەتتى.

سونىڭ ىشىندە جەتەۋى باتىس قازاقستاننىڭ ۇلەسىنە تيەدى. ب ق و- نىڭ شۇعىل شتابى ءمالىم ەتكەنىندەي، بۇلاردىڭ ءبارى دە - رەسەيدە ۆاحتالىق ادىسپەن جۇمىس ىستەيتىن وبلىس تۇرعىندارى. ولاردىڭ ىشىندە ەڭ جاسى 20 دا بولسا، ەڭ ۇلكەنى 47 جاستا.

ساراتوۆ وبلىسىمەن شەكارادا ورنالاسقان «تاسقالا» بەكەتىنەن وتكەن كەزدە ولاردىڭ دەنساۋلىقتارىنا شاعىمى بولماعان. الايدا كارانتيندىك ستاتسيونارعا جاتقىزىلىپ، سىناما الىنعاننان كەيىن جەتەۋىنىڭ دە كوروناۆيرۋسقا شالدىققانى انىقتالدى.

بارلىعى وبلىستىق جۇقپالى اۋرۋلار اۋرۋحاناسىنا ورنالاستىرىلدى، جاعدايلارى قاناعاتتانارلىق. اۋرۋ وشاقتارىندا دەزينفەكتسيالىق جۇمىستار جۇرگىزىلدى.

وسىلايشا ب ق و- دا سىرقاتتانعاندار سانى 46 عا جەتسە، سونىڭ ەكەۋى جازىلىپ شىقتى. سونىڭ ىشىندە 39 ى - شەتتەن كەلگەندەر. جەتەۋى - بۇرىن اۋىرعاندارمەن قارىم-قاتىناستا بولعاندار.

ەسكە سالا كەتەيىك، بۇدان بۇرىن رەسەيدە جۇمىس ىستەپ كەلگەن ب ق و- نىڭ بەس تۇرعىنىنان كوروناۆيرۋس انىقتالعانىن جازعان بولاتىنبىز.