كوروناۆيرۋس: قازاقستاندىق عالىم ۆاكتسينا جاساپ شىعارۋ ۋاقىتىن ايتتى
«ءبىز شارتتى تۇردە باعدارلامانى ءۇش جىلعا بولدىك. ءبىرىنشى جىلى بارلىق گەندىك ينجەنەرلىك جۇمىستاردى اياقتاپ، بيوتەحنولوگيا ءونىمى رەتىندە ۆاۋتسيانا جاساۋ كەرەك. ياعني، ءتىرى ۆەكتورلى ۆيرۋستى الىپ ءتىرى ۆەكتورلى ۆاكتسينا رەتىندە قولدانىپ، سۋببىرىكتىرىلگەن ۆاكتسينا رەتىندە قولدانۋعا بولاتىن رەكومبيناتتالعان S اقۋىزىن الۋىمىز كەرەك. بۇل جۇمىس 2020-جىلدىڭ سوڭىنا دەيىن اياقتالۋى كەرەك»، - دەيدى الەكساندر شۋستوۆ.
ول كەلەسى ەكى جىلدا قانداي جۇمىستار ىستەلەتىنىن ايتتى.
«كەلەسى جىلى ۆاكتسينانىڭ قورعانىس كۇشىن تەكسەرۋ كەرەك. ءۇشىنشى جىلى ونىڭ قاۋىپسىزدىگىنە قاتىستى سىناقتار جاسالادى. بۇل پروتسەستى جىلدامداتۋعا كەلمەيدى. بۇل سالادان حابارى جوق ادام ءۇشىن ءۇش جىل تىم ۇزاق ۋاقىت بولىپ كورىنۋى مۇمكىن. ادامدارعا ارنالعان بيوپرەپاراتتى جاساۋمەن اينالىسىپ كورمەگەندەر ءۇشىن بۇل ءبىرتۇرلى بولىپ كورىنۋى دە مۇمكىن، سەبەبى ەپيدەميا كوز الدىمىزدا بولىپ جاتىر. ءبىز مۇنداي ۆاكتسينا جاساۋ بارىسىندا كەيبىر كەزەڭنەن اتتاپ وتە المايتىنىمىزدى ايتقىم كەلەدى»، - دەيدى عالىم.
بۇعان دەيىن الەكساندر شۋستوۆ قازاقستاندا كوروناۆيرۋسقا قارسى ۆاكتسينا جاساۋ قالاي ءجۇرىپ جاتقانى تۋرالى ايتقان بولاتىن.
