ا ق ش جانە قىتاي: تەحنولوگيالىق تەكەتىرەستە كىم جەڭەدى - ب ا ق

گەوساياسي ۇستەمدىك تەحنولوگيالارداعى پروگرەسكە بايلانىستى بولىپ تۇرعان قازىرگى زاماندا ا ق ش الدا كەلە جاتىر.

امەريكالىق كومپانيالار الەمدەگى ەڭ جىلدام كومپيۋتەرلەردى جاسايدى، ەڭ قابىلەتتى روبوتتاردى شىعارادى، دەپ حابارلايدى قازاقپارات The Wall Street Journal سىلتەمە جاساپ.

«قىتايدىڭ دامۋشى ەكونوميكاسى الەمدە ەكىنشى ورىندا تۇر. ال تەحنولوگياعا سالىنىپ جاتقان مەملەكەتتىك ينۆەستيتسيالار ا ق ش- تىڭ مۇمكىندىكتەرىن ارتقا تاستاۋدا. قىتايدىڭ جەتستىكتەرى ءۇشىن ترامپ بۇل مەملەكەتپەن ەكونوميكالىق جانە ساۋدا سوعىسىن باستادى. كوروناۆيرۋس پاندەمياسى بۇل سوعىستى قالاي وزگەرتەتىنى ازىرگە بەلگىسىز. دەگەنمەن، الەمدىك ىندەت ەكى مەملەكەت اراسىنداعى باسەكەنى السىرەتكەن جوق»، - دەپ جازادى باسىلىم.

اۆتوردىڭ جازۋىنا قاراعاندا، ەكى مەملەكەتتىڭ باسەكەسى ەڭ الدىمەن 5G تەحنولوگياسىنا بايلانىستى بولىپ تۇر.

ا ق ش پەن قىتاي اراسىنداعى تەحنولوگيالىق كۇرەس قالاي ءوتىپ جاتىر؟

«باس پروكۋرور ۋيليام بارر اقپان ايىندا ا ق ش- تىڭ 5G سالاسى قانداي دەڭگەيدە ەكەنىن ايتىپ، ۆاشينگتونعا «حۋاۆەي» «نوكيا» جانە «ەريكسون» كومپانيالارىنا قارجىلىق قىزىعۋشىلىق تۋعىزۋ كەرەك ەكەنىن جەتكىزدى. دەگەنمەن، اق ءۇي بۇل كومپانيالاردى ساتىپ الۋدان باس تارتتى. ال بارردىڭ ايتۋىنشا، امەريكادا حۋاۆەيگە تەڭ كەلەتىن كومپانيا جوق»، - دەپ جازادى اۆتور.

ونىڭ ايتۋىنشا، 5G سالاسىندا قىتاي الدا كەلە جاتىر.