ەلوردادا «سەرگەك» جۇيەسى ارقىلى كارانتين كەزىندە كىمدەرگە ايىپپۇل سالىنۋى مۇمكىن؟
تەكسەرۋ جۇرگىزۋشىلەرگە قاتىستى جاسالادى. «سەرگەك-پاترۋل» بازاسىنا اۆتوكولىك توقتاعان كەزدە پوليتسەيلەر جۇرگىزۋشى مەن كولىكتىڭ دەرەكتەرىن: ج س ن، كولىكتىڭ مەملەكەتتىك ءنومىرى جانە جۇرگىزۋشىنىڭ ناقتى تۇرعىلىقتى جەرى مەن جۇمىس ورنىن ەنگىزەدى. نەگىزسىز قالادا جۇرگەن. ءتارتىپ بۇزۋشىلار العاشىندا ەسكەرتۋ الادى. ەكىنشى مارتە ءتارتىپ بۇزعان جاعدايدا نۇر- سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىنە سايكەس 10 ا ە ك ايىپپۇلدان 15 تاۋلىككە دەيىن اكىمشىلىك قاماۋعا الىنۋى مۇمكىن.
«قايتا تەكسەرۋ كەزىندە، ەگەر اقپاراتتىق بازانىڭ مالىمەتتەرىنە سايكەس، ازىق-تۇلىك پەن ءدارى-دارمەكتەر الۋدان باسقا ماقساتتا، مارشرۋتتى نەگىزسىز بۇزعانى انىقتالسا، جۇرگىزۋشى ق ر ا ق ب ك 476-بابى («توتەنشە جاعداي رەجيمىن بۇزۋ») بويىنشا اكىمشىلىك جاۋاپكەرشىلىككە تارتىلادى»، - دەلىنگەن حابارلامادا.
قازىرگى ۋاقىتتا بازادا ت ج كەزىندەگى قۇقىق بۇزۋشىلىقتار ەسەپتەلىپ جاتىر. كۇن سايىن «جۇمىس - ءۇي» قاعيداتى بويىنشا اۆتوكولىك جۇرگىزۋشىلەرىنىڭ دەرەكتەرى ەنگىزىلەدى.
ت ج رەجيمى مەن كارانتين ءتارتىبىن بۇزعانى ءۇشىن ايىپپۇلدار بۇگىنگى كۇنى وزەكتى.
نۇر-سۇلتان قالاسىندا بارلىعى 13000 «سەرگەك» كامەراسى بار. ول كۇنىنە 12 ميلليوننان استام وقيعانى وڭدەۋگە مۇمكىندىك بەرەدى.
