مەملەكەت باسشىسى قوستاناي وبلىسىنىڭ اكىمىنە ءبىرقاتار تاپسىرما بەردى

وبلىس باسشىسى ق ر پرەزيدەنتىنە كوروناۆيرۋسقا قارسى كۇرەس، وڭىردەگى سانيتارلىق- ەپيدەميولوگيالىق جاعداي جانە كارانتيندىك شارالاردى ىسكە اسىرۋ بارىسىن باياندادى. سونداي-اق، ازاماتتارعا الەۋمەتتىك كومەك كورسەتۋ، ش و ب- تىڭ جۇمىس رەجيمىنە بىرتىندەپ شىعۋىن قامتاماسىز ەتۋ، ەگىس جۇمىستارى جانە «جۇمىسپەن قامتۋدىڭ جول كارتاسىن» ىسكە اسىرۋ بويىنشا پرەزيدەنت تاپسىرمالارىن ىسكە اسىرۋ بارىسى جايىندا ەسەپ بەردى.

بۇگىندە وڭىردە كوروناۆيرۋستىق ينفەكتسيانى جۇقتىرۋدىڭ 7 جاعدايى تىركەلگەن، 1 ادام قازا تاپتى. قوستاناي وبلىسىندا ينفەكتسيانىڭ الدىن الۋ ماقساتىندا 1228 مەديتسينالىق توسەك-ورىن جابدىقتالعان.

«الدىن الا بەكىتىلگەن الگوريتمگە سايكەس كوروناۆيرۋستىق ينفەكتسيانىڭ بار-جوعىنا 3376 زەرتتەۋ جۇرگىزىلدى. ءۇي كارانتينىنە 1068 ادام ورنالاستىرىلدى. ينفەكتسيانىڭ ودان ءارى تارالۋىنا جول بەرمەۋ ماقساتىندا 17- ساۋىردە ساعات 00:00 دەن باستاپ قوستاناي وبلىسىنىڭ اۋماعىندا شەكتەۋ شارالارىن قاتايتۋ ارقىلى كارانتين رەجيمى ەنگىزىلدى. كارانتين رەجيمىن 29 بلوكپوست، 33 موبيلدىك پاترۋل جانە 300 دەن استام پوليتسيا قىزمەتكەرى قامتاماسىز ەتەدى.

العاشقى ەكى كۇن ىشىندە پوليتسيا حالىق اراسىندا كارانتيندىك شارالاردى ساقتاۋ جونىندە ءتۇسىندىرۋ جۇمىستارىن جۇرگىزەتىن بولادى. سودان كەيىن ت ج رەجيمىن بۇزعانى ءۇشىن ايىپپۇل سانكتسيالارىن قولدانا باستايدى.

ت ج رەجيمى باستالعاننان بەرى 408 قۇقىق بۇزۋشى اكىمشىلىك جاۋاپكەرشىلىككە تارتىلدى، ونىڭ 40 ى قاماۋعا الىندى. قوستاناي وبلىسى كوكتەمگى ەگىسكە تولىق دايىن. جاقىن كۇندەرى جەر وڭدەۋ، ىلعالدى جابۋ جۇمىستارى باستالادى. اۋىل شارۋاشىلىعى قۇرىلىمدارى تولىق كولەمدە (528 مىڭ توننا) تۇقىممەن قامتاماسىز ەتىلگەن. كوكتەمگى ەگىس جۇمىستارىنا 22,9 مىڭ تراكتور، 1032 ەگىس كەشەنى جۇمىلدىرىلماق. تەحنيكا %100 دايىن. وبلىس بويىنشا 71 مىڭ توننا ارزانداتىلعان ج ج م ءبولىندى، جەتكىزۋ كەستەگە سايكەس جۇزەگە اسىرىلادى»، - دەدى ءوڭىر باسشىسى تەلەفون ارقىلى.

وبلىستا جۇمىسپەن قامتۋدىڭ جول كارتاسى اياسىندا ينفراقۇرىلىمدىق جوبالاردى ىسكە اسىرۋعا شامامەن 54 ميلليارد تەڭگە ءبولىندى، 13 مىڭنان استام جۇمىس ورنى قۇرىلادى. ايماق باسشىسىنىڭ ەسەبىن تىڭداعان پرەزيدەنت وعان ءبىرقاتار ناقتى تاپسىرمالار جۇكتەدى.