بەلگىلى ءانشى توتەنشە جاعداي رەجيمىن بۇزعانى ءۇشىن ايىپپۇل تولەيتىن بولدى

پوليتسيا دەپارتامەنتىنىڭ حابارلاۋىنشا، ءانشى تۇنگى 1 شاماسىندا اباي كوشەسىندەگى لاۋندج بارلاردىڭ بىرىندە دەمالعان. «جۇرگىزىلگەن جەدەل شارالاردىڭ ارقاسىندا بۇل بار زاڭعا قايشى جۇمىس ىستەپ تۇرعانى انىقتالدى. بۇل مەكەمەنىڭ ەسىگى ايقارا اشىق بولماعان. ىشىنە تەك سەنىمدى ادامداردى كىرگىزگەن. سولاردىڭ ءبىرى ارمان قوڭىربايەۆ ءوزىنىڭ قۇقىقبۇزۋشىلىق جاساعانىن مويىندادى. بۇل دەرەك بويىنشا ق ر ا ق ب ك 476-بابىمەن 10 ادام اكىمشىلىك جاۋاپكەرشىلىككە تارتىلدى. ونىڭ ىشىندە مەكەمەنىڭ يەسى 28 جاستاعى ءجۇسىپوۆ تە بار. مامانداندىرىلعان اۋدانارالىق اكىمشىلىك سوتىنىڭ شەشىمىمەن ارمان قوڭىربايەۆ 10 ا ە ك كولەمىندە اكىمشىلىك ايىپپۇل تولەيتىن بولدى. باسقالارى 5-15 تاۋلىك ارالىعىندا قاماۋعا الىنادى»، - دەدى قالالىق پ د ءبىرىنشى ورىنباسارى نۇرلان الماسبەكوۆ.

اۆتور: گۇلميرا عوسمانالي