كورتەج ءۇشىن كريمينالدى پوليتسيا باسقارما باسشىسى جۇمىسىنان شەتتەتىلدى

بۇل ۆيدەو ينتەرنەت جەلىدە جاريالانعان بولاتىن. الماتى قالالىق پوليتسيا دەپارتامەنتى اتالعان دەرەكتى تەكسەرە كەلە كارانتين رەجيمىن جانە جول ەرەجەسىن بۇزۋ ارەكەتى بويىنشا ەكى قۇقىق بۇزۋشىلىقتى تىركەدى. كورتەج قاتىسۋشىلارىنىڭ بارلىعى ۇستالدى. 25 جاستاعى «بەنتلي» كولىگىنىڭ جۇرگىزۋشىسى جانۇزاقوۆتى ە. ت الماتى اۋدانارالىق مامانداندىرىلعان اكىمشىلىك سوتى ق ر ا ق ب ك 476-بابىمەن ايىپتى دەپ تانىپ، 15 تاۋلىككە قاماۋ جونىندە شەشىم قابىلدادى. 30 جاستاعى «بەنتلي» كولىگىنىڭ جولاۋشىسى اسىلبەكوۆ ش. ا ق ر ا ق ب ك 476-بابىمەن ايىپتى دەپ تانىلىپ، 15 تاۋلىككە اكىمشىلىك قاماۋعا الىندى.

27 جاستاعى «كاديللاك» جۇرگىزۋشىسى جۇماعۇلوۆ س. د ق ر ا ق ب ك 476-بابى، ق ر ا ق ب ك 596-بابىنىڭ 3- ءبولىمى بويىنشا ق ر ا ق ب ك 590-بابىنىڭ 3- ءبولىمى نەگىزىندە ايىپتى دەپ تانىلىپ، 14 تاۋلىككە قامالدى. «كاديللاك» جولاۋشىسى 30 جاستاعى كانايەۆ ە. ن ق ر ا ق ب ك 476-بابىمەن اكىمشىلىك جازاعا تارتىلىپ، 15 تاۋلىككە قامالدى.

«مەرسەدەس» جۇرگىزۋشىسى 40 جاستاعى ارتىقبايەۆ م. م ق ر ا ق ب ك 476-بابى، ق ر ا ق ب ك 596-بابىنىڭ 3- ءبولىمى، ق ر ا ق ب ك 590-بابىنىڭ 4- ءبولىمى بويىنشا ايىپتى دەپ تانىلىپ 10 تاۋلىككە قامالدى.

«تاعى ەكى تۇلعانىڭ كىم ەكەندىگى انىقتالدى. ول ىزدەستىرىلىپ جاتىر. كولىكتەردىڭ بارلىعى ايىپ تۇراعىنا قويىلدى. سونىمەن قاتار، پوليتسيا دەپارتامەنتى وزىندىك قاۋىپسىزدىك باسقارماسى بۇل كورتەجدىڭ بلوكپوست ارقىلى ەمىن- ەركىن وتۋىنە بايلانىستى تەكسەرۋ جۇرگىزبەك. ال وتىرىسقا قاتىسقان قالالىق پوليتسيا دەپارتامەنتى كريمينالدى پوليتسيا باسقارماسىنىڭ باسشىسى جانبولات زيادين قىزمەتتىك تەكسەرۋ اياقتالعانشا قىزمەتىنەن شەتتەتىلدى. بۇل قۇقىق بۇزۋشىلىققا قاتىستى قۇقىقتىق باعا بەرىلەتىن بولادى»، - دەدى قالالىق پ د باسشىسى قانات تايمەردەنوۆ.

اۆتور: گۇلميرا عوسمانالي