قازاقستان مەكتەپتەرىندە سوڭعى قوڭىراۋ سوعىلا ما؟

بۇل تۋرالى ق ر ءبىلىم جانە عىلىم ۆيتسە- ءمينيسترى شولپان كارينوۆا ءمالىم ەتتى، دەپ حابارلايدى قازاقپارات ءتىلشىسى.

«بيىل قورىتىندى اتتەستاتتاۋ بولمايدى. بۇعان دەيىن 9-سىنىپتا ءتورت پاننەن، 11-سىنىپتا 5 پاننەن ەمتيحان جۇمىسىن وتكىزۋ قاراستىرىلعان بولاتىن. سوندىقتان بۇل قورىتىندى اتتەستاتتاۋ جۇرگىزىلمەيدى. بارلىق پاندەر بويىنشا جىلدىق قورىتىندىلار نەگىزىندە اتتەستات تاپسىرىلادى» ، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى ونلاين تارتىپتە وتكەن باسپا ءسوز ءماسليحاتىندا.

سونىمەن قاتار ش. كارينوۆا سوڭعى قوڭىراۋعا قاتىستى توقتالا كەلە، ءراسىم وقۋ جىلى اياتالعان كەزدە بولاتىنىن، ياعني قورىتىندىلايتىن سالتاناتتى شارا ەكەنىن ەسكە سالدى. وعان مەكتەپ ۇجىمى مەن وقۋشىلار قاتىسادى. ونىڭ سوزىنە قاراعاندا، ەگەر جاعداي وزگەرمەسە، سوڭعى قوڭىراۋ بولماۋى مۇمكىن.