ەلىمىزدە بەت- الپەتتى تانۋ تەحنولوگياسىمەن بيلەت الۋ جوباسى ىسكە قوسىلماق
نۇر-سۇلتان. قازاقپارات - قازاقستاندا بەت- الپەتتى تانۋ تەحنولوگياسىنىڭ كومەگىمەن تەمىر جول بيلەتتەرىن ساتۋعا ارنالعان ىلكى جوبا ىسكە قوسىلماق، دەپ حابارلايدى قازاقپارات.
«ۆاگونداردىڭ تولۋىن جانە بيلەتتەردى زاڭسىز قايتا ساتۋدى قاداعالاۋ ماقساتىندا Digital ID تۇلعانى قاشىقتان سايكەستەندىرۋ سەرۆيسىنىڭ كومەگىمەن تەمىرجول بيلەتتەرىن ونلاين ساتۋ ىلكى جوباسىن ىسكە قوسۋدى جوسپارلاپ وتىر»، - دەلىنگەن «BTS Digital» تاراتقان اقپاراتتا.
پويىزعا وتىرعىزۋ كەزىندە جولسەرىك بيلەت ساتىپ العان جولاۋشىنىڭ تۇلعاسىن سمارتفونداعى باعدارلاما كومەگىمەن فوتوسۋرەت ارقىلى نەمەسە ۆاگوننىڭ تولۋىن ونلاين رەجيمدە قاداعالاۋعا مۇمكىندىك كامەرا مەن كومپيۋتەر ارقىلى تەكسەرە الادى.
قازىرگى ۋاقىتتا الماتى- ورال باعىتىندا قاتىنايتىن جولاۋشىلار پويىزىنىڭ ءبىر ۆاگونى تۇلعانى قاشىقتان سايكەستەندىرۋ سەرۆيسى جابدىقتالعان. تەمىرجول بيلەتتەرىن ساتىپ الۋدىڭ جاڭا فورماتى ولاردى قايتارۋ ساياساتىنا ەشقانداي اسەر ەتپەيدى. بيلەتتەردى جولاۋشىلار اعىمداعى ۋاقىتتا قولدانىستا جۇرگەن بارلىق قاعيدالارعا ساي اۋىستىرادى نەمەسە قايتارا الادى. بالالارمەن جولعا شىققان جاعدايدا ولار دەرەكتەرى سايكەستەندىرۋسىز ەنگىزىلەدى.
