ۋحاندا كوروناۆيرۋستان قايتىس بولعانداردىڭ سانى كۇرت ءوستى

دەرەككوز مالىمەتىنشە، قالا بيلىگى كوروناۆيرۋس جۇقتىرعانداردىڭ ستاتيستيكاسىنا ساراپتاما جۇرگىزگەن. ولار ۋحاندا قاۋىپتى ىندەتتى جۇقتىرعان ناۋقاستار مەن قايتىس بولعانداردىڭ سانى وسىعان دەيىنگى بەرىلگەن اقپاراتتان كوپ ەكەنىن انىقتاپتى.

17-ساۋىردە قىتايدىڭ دەنساۋلىق ساقتاۋ جونىندەگى مەملەكەتتىك كوميتەتى ۋحانعا قاتىستى ستاتيستيكالىق مالىمەتتى جاريالادى. قالاداعى ەپيدەميا كەزىندە 50008 ادام كوروناۆيرۋس جۇقتىرىپ، 2579 ناۋقاس اۋرۋدان قايتىس بولعان.

«ىندەتتى جۇقتىرعانداردىڭ سانى 325-كە ارتتى. وسىلايشاي قالادا كوروناۆيرۋس جۇقتىرعانداردىڭ سانى 50333 كە جەتتى. ال COVID-19 ۆيرۋسىنان 1290 ناۋقاس قايتىس بولىپ، ىندەتتەن ادام كوز جۇمعانداردىڭ سانى 3869 ادامعا ءوستى»، - دەيدى قالا بيلىگىنىڭ Weibo الەۋمەتتىك جەلىسىندەگى رەسمي پاراقشاسىندا جاريالاعان حابارلاماسىندا.