ءى ءى م: بوس كاسترولدى ۇرىپ، كورشىلەرىن نارازىلىققا شاقىرعان ازامات ۇستالدى

مينيسترلىكتىڭ حابارلاۋىنشا، ت ج جاريالانعان ساتتەن باستاپ ءتارتىپتى بۇزعانى ءۇشىن (ءا ق ب تۋرالى ق ر ك-نىڭ 476-بابى) جانە ت ج جاعدايىندا قۇقىق ءتارتىبىن بۇزۋعا يتەرمەلەيتىن ءىس- ارەكەتتەر ءۇشىن (478 ءا ق ب ق ر ك-نىڭ 478-بابى) اكىمشىلىك جاۋاپكەرشىلىككە 5130 ادام تارتىلعان. ونىڭ ىشىندە 2479 ادامعا ايىپپۇل سالىنىپ، 1626 ادام قاماۋعا الىنعان.

ماسەلەن، اكىمشىلىك قاماۋعا الماتى قالاسىنىڭ تۇرعىنى اسحات جەكسەبايەۆ تارتىلعان. ول تۇرعىنداردى ۇيلەرىنەن شىعىپ، بوس كاسترولدەرمەن ۇرۋعا شاقىرعان بەينە ۇندەۋىن جازعان.

«سول سەكىلدى جامبىل وبلىسىنان باعدات باقتىبايەۆ الەۋمەتتىك كومەك الۋعا ءوتىنىم راسىمدەۋشى تۋرالى ءتۇسىرىلىم جۇرگىزىپ، تۇرعىنداردى توتەنشە جاعداي كەزىندە قۇقىق ءتارتىبىن بۇزۋعا يتەرمەلەدى. ول 10 تاۋلىككە اكىمشىلىك قاماۋعا الىندى. توتەنشە جاعداي كەزىندە قۇقىق ءتارتىبىن بۇزۋعا يتەرمەلەيتىن ءىس-ارەكەتتەرى ءۇشىن اكىمشىلىك سوت شەشىمىمەن جاڭاوزەن قالاسىنىڭ تۇرعىنى اسحات وتەنوۆ 20 تاۋلىككە قاماۋعا الىندى. №4 -پاۆلودار قالالىق اۋرۋحاناسىنىڭ قىزمەتى تۋرالى الەۋمەتتىك جەلىلەردە جالعان اقپارات تاراتقان، ت ج كەزىندە مەديتسينالىق مەكەمەنىڭ قىزمەتىنە ارالاسقان جانە بۇزعان قالا تۇرعىنى اندرەي كوماندين اكىمشىلىك 5 تاۋلىككە قاماۋعا الىندى»، - دەپ حابارلايدى مينيسترلىكتەن.

سونداي-اق ىشكى ىستەر ورگاندارى كوروناۆيرۋس تۋرالى جالعان اقپارات تاراتۋ جاعدايلارىن انىقتاپ جاتىر. بۇگىنگى كۇنى 80 ءىس بويىنشا سوتقا دەيىنگى تەرگەۋ جۇرگىزىلۋدە. بارلىق وسىنداي فاكت بويىنشا كىنالىلەر انىقتالىپ، قىلمىستىق جاۋاپكەرشىلىككە تارتىلادى.

اۆتور: ايان بەكەن ۇلى