كوروناۆيرۋس: باتىس قازاقستاندا سوڭعى تىركەلگەن ەكى ناۋقاس تا رەسەيدەن كەلگەن
ب ق و- نىڭ شۇعىل شتابى ءمالىم ەتكەنىندەي، بۇلاردىڭ ەكەۋى دە - وبلىس تۇرعىندارى.
ولار بۇدان بۇرىن كوروناۆيرۋس انىقتالعان ناۋقاسپەن بىرگە رەسەيدەن كەلگەن.
زەرتتەۋ قورىتىندىسىمەن COVID-19 دياگنوزى راستالعاننان كەيىن ەكەۋى دە وبلىستىق جۇقپالى اۋرۋلار اۋرۋحاناسىنا جاتقىزىلدى.
قازىرگى تاڭدا جاعدايلارى قاناعاتتانارلىق. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا.
اۋرۋ وشاقتارىندا ەپيدزەرتتەۋ جانە دەزينفەكتسيا جۇمىستارى جۇرگىزىلۋدە. وسىلايشا ب ق و- دا سىرقاتتانعاندار سانى 20 عا جەتتى، ولاردىڭ بىرەۋى جازىلىپ شىقتى.
ەسكە سالا كەتەيىك، ب ق و- دا كوروناۆيرۋس رەسەيدە جۇمىس ىستەپ كەلگەندەردەن انىقتالعانىن، ورال قالاسىندا اۆتوبۋستار قاتىناسى توقتاتىلاتىنىن جازعان بولاتىنبىز.
