كوروناۆيرۋس جۇقتىرعاندار كىممەن ارالاسقانىن ايتقىسى كەلمەيدى

ەپيدەمياعا قارسى شارالاردىڭ ستاندارتى بار،- دەدى ساۋلە وسپانوۆا ونلاين باسپا ءسوز كونفەرەنتسياسى كەزىندە.

- جاڭا جاعداي تۋرالى حابار العاننان كەيىن اقپارات جيناۋ باستالادى. ءبىرىنشى كەزەڭدە بايلانىستا بولعان ادامدار شەڭبەرىن انىقتاۋ ءۇشىن ەكى ساعات بەرىلەدى. ياعني، ناۋقاس قاي جەردە ورنالاسقانى، قالاي ءومىر سۇرەدى، جاقىن جانە پوتەنتسيالدى بايلانىستا بولعاندار تۋرالى دەرەكتەر جينايمىز. بارلىق 11 جاعدايدا ونى ەكى ساعاتتىڭ ىشىندە جيناپ ۇلگەردىك. دەگەنمەن ول تۇرعىنداردىڭ ءالى كۇنگە دەيىن بۇل دەرتتىڭ قانشالىقتى قاۋىپتى ەكەنىن تۇسىنبەيتىندىگىنە جانە سالعىرتتىق تانىتىپ وتىرعانىنا الاڭداۋشىلىق ءبىلدىردى.

- تۇرعىندار كارانتيندى ساقتاعىسى كەلمەيتىن سياقتى بىردەن جاقىن ارالاسقان ادامدار تۋرالى ايتپايدى،- دەيدى ساۋلە وسپانوۆا.

- مىسالى، ناۋقاستاردىڭ ءبىرى بايلانىستا بولعان ادامدار تۋرالى اقپاراتتى ءبىر اپتا بويى بەردى. بۇل جەردە ءبىرىنشى كەزەكتە ونىڭ وتباسى زارداپ شەگەدى. سەبەبى، سول ادامدارمەن ارالاسادى. كەشە مير كوشەسىندەگى جاتاقحانادا ىشىمدىك تۇتىنعان ادامدار بولدى. مەديتسينالىق قىزمەتكەرلەردىڭ جۇمىسىنا كەدەرگى كەلتىردى. دارىگەرلەرگە پوليتسيا قىزمەتكەرلەرى كومەككە كەلدى. وسىدان كەيىن عانا بارلىعى اۋرۋحاناعا جاتقىزىلىپ، ۆيرۋسولوگيالىق زەرتتەۋ جۇرگىزىلدى. ناتيجەسى ءبىر تاۋلىكتەن كەيىن بەلگىلى بولادى. بايلانىستا بولعاندار انىقتالدى. ەسكە سالا كەتەيىك، كەشە مير كوشەسى، 54/1 مەكەنجايىنداعى جاتاقحانا كارانتينگە جابىلدى. بۇل ۇيدە تۇراتىن 50 جاستاعى ايەلدە 14-ساۋىردە COVID-19 راستالعان.