يممۋنيتەتتى كوكونىسپەن كوتەرەيىك

سەبەبى ازىق- تۇلىكتە اعزانىڭ قورعانىش قاسيەتىن بەكىتۋگە كومەكتەسەتىن دارۋمەندەر مەن ميكروەلەمەنتتەر بار. قازىر ءزىمبىر مەن ليموننىڭ باعاسى ادەتتەگىدەن بىرنەشە ەسە قىمباتتاپ كەتكەنى وتىرىك ەمەس. الايدا يممۋنيتەتتىڭ قاتايۋىنا جانە جالپى اعزاعا پايدالى باسقا دا ونىمدەر بار.

بولگار بۇرىشى. قۇراماندا س دارۋمەنى كوپ كوكونىستەردىڭ ءبىرى. كۇنىنە ونىڭ ورتاشا بىرەۋىن جەگەننىڭ ءوزى اعزانى س دارۋمەنىنىڭ تاۋلىكتىك نورماسىمەن %100 قامتاماسىز ەتەدى. سونداي- اق قۇرامىنداعى كاپسانتين، ۆيولاكسانتين، ليۋتەين، كۆەرتسەتين جانە ليۋتەولين انتيوكسيدانتتىق قاسيەتكە يە.

اسقاباق. بۇل كوكونىستىڭ باستى ارتىقشىلىعى - قۇرامىنداعى دارۋمەن مەن مينەرالدىڭ كوپ جانە كالورياسى از. وعان قوسا، اسقاباقتا بەتا- كاروتين كوپ. ول ا دارۋمەنىنىڭ كوزى. بۇل دارۋمەن تىنىس الۋ مۇشەلەرىنىڭ شىرىشتى قابىعىنىڭ جاعدايىن جاقسارتادى. اسقاباق تا بولگار بۇرىشى سەكىلدى انتيوكسيدانتتارعا باي. ولار جاسۋشالاردى ءتۇرلى زاقىمداردان قورعايدى.

كوك شاي مەن تۇيمەداق شايى. بۇل شايلاردا ەپيگاللوكاتەحيننىڭ مولشەرى كوپ. سونىڭ ارقاسىندا ولار يممۋندى جۇيە جاسۋشالارىن زاقىمداردان قورعايدى جانە اعزاداعى قابىنۋ پروتسەسىن ازايتادى.

انار. اناردىڭ قۇرامىندا 3 نەگىزگى پوليفەنول بار: تانين، كۆەرسەتين، انتوتسيان. ولار اعزاداعى بوس راديكالدار شوعىرىن جۇيەلى تۇردە ۇستاپ تۇرادى جانە جاسۋشا مەمبراناسىن قورعايدى.

اشىتىلعان قىرىققابات. بۇل ءونىم ىشەكتىڭ جەرگىلىكتى يممۋنيتەتىن نىعايتۋعا جانە اس قورىتۋ جۇيەسىن قالپىنا كەلتىرۋگە قاجەت.

D دارۋمەنىنە باي ونىمدەر: ءنالىم باۋىرى، تەڭىز بالىعى، بالىق مايى. D دارۋمەنى يممۋندى جۇيەنىڭ رەتتەلۋىندە ماڭىزدى ءرول اتقارادى: ول ميكروبتارعا قارسى اقۋىزداردىڭ وڭدەلۋىن ارتتىرادى.

بالدىركوك. ونىڭ قۇرامىنداعى ينۋلين، پەكتين جانە ەفير مايلارى ىشەكتەر موتوريكاسىن جىلدامداتادى، اعزانى جۇمساق تازارتادى جانە گاز ءتۇزىلۋدى ازايتادى.

Massaget.kz