نۇر-سۇلتانداعى جاڭا گوسپيتالدىڭ قۇرىلىسى قاشان اياقتالادى

ەڭ باستى ناتيجە - سوڭعى مودۋلدىڭ ورناتىلۋى بولدى. باسپا ءسوز قىزمەتىنىڭ حابارلاۋىنشا، 200 ورىندىق جاڭا اۋرۋحانا قۇرىلىسى قارقىندى ءجۇرىپ جاتىر. ەندى ىشكى بايلانىس سىمدارى، كارىز جۇيەسى مەن سۋ قۇبىرلارى قويىلىپ جاتىر. عيماراتتىڭ ءوزى ModeX زاۋىتىندا نەمىس تەحنولوگياسىمەن الدىن الا ازىرلەنگەن بلوكتاردان قۇرىلعان.

ودان بولەك، اۋرۋحانا پالاتالارىندا ارنايى گوسپيتالدىك جەلدەتكىش بولادى، بۇل قىزمەتكەرلەرگە ينفەكتسيا جۇقتىرۋ قاۋپىن ازايتاتىن كورىنەدى. ودان بولەك، اۋرۋحانادا ارنايى اۋا سۇزەتىن جۇيە ورناتىلعان. ەسىك پەن تەرەزەدەن اۋا وتپەيدى. ءار پالاتانىڭ ءوز دارەتحاناسى بولادى. وتكەن اپتادا قۇرىلىسشىلار ب ا ق وكىلدەرىن شاقىرىپ، قۇرىلىس بارىسىن كورسەتكەن ەدى.

جوبا ديرەكتورى ارمان لەسبەكوۆتىڭ ايتۋىنشا، قۇرىلىستا دۇنيەجۇزىلىك دەنساۋلىق ساقتاۋ ۇيىمىنىڭ بارلىق تالابى ەسكەرىلگەن.

ەسكە سالا كەتسەك، 3 -ساۋىردە ت ج رەجيمىن قامتاماسىز ەتۋ جونىندەگى مەملەكەتتىك كوميسسيا قازاقستاننىڭ ءۇش ءىرى قالاسىندا جۇقپالى اۋرۋلار اۋرۋحانالارىن سالۋدى ۇيعاردى.

ونىڭ قۇرىلىسىنا تەز تۇرعىزىلاتىن قۇرىلىمدار قولدانىلماق. وزگە ەلدەردەگى تەز سالىناتىن اۋرۋحانالارمەن سالىستىرعاندا، قازاقستانداعى عيماراتتار ۇزاق جىلعا پايدالانۋعا بەرىلمەك.

اۆتور: ايجان سەرىكجان قىزى