كارانتين ەرتە مە، كەش پە اياقتالادى، ءومىر ءوز ارناسىنا تۇسەدى - ساپاربايەۆ

سونداي-اق، جەرگىلىكتى اتقارۋشى ورگانداردىڭ كارانتين جاعدايىنداعى ءىس- ارەكەتتەرى جانە حالىقپەن كەرى بايلانىس ورناتۋعا قاتىستى ماسەلەلەر تالقىلاندى، دەپ حابارلايدى قازاقپارات وبلىس اكىمدىگىنىڭ رەسمي سايتىنا سىلتەمە جاساپ.

ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆانىڭ ايتۋىنشا، اعىمداعى جىلدىڭ ءۇش ايىندا وبلىس بويىنشا 114,7 ميلليارد تەڭگەنىڭ ءونىمى ءوندىرىلىپ، ونەركاسىپتەگى ءونىم كولەمىنىڭ يندەكسى 97,9 پايىزدى قۇراعان. ەكونوميكالىق كورسەتكىشتەردىڭ تومەندەۋىنە «قازفوسفات» ج ش س زاۋىتىنداعى پەشتىڭ جانە تاراز بەن مەركى قانت زاۋىتتارى جۇمىستارىنىڭ توقتاۋى اسەر ەتكەن.

بيۋدجەت كىرىسىندەگى كورسەتكىشتەر دە ويداعىداي ەمەس. مەملەكەتتىك كىرىستەر دەپارتامەنتى باسشىسىنىڭ حابارلاماسىندا كورسەتىلگەندەي، جەرگىلىكتى بيۋدجەتتىڭ شىعىندارى 3,195 ميلليارد تەڭگەنى قۇرايدى. - كارانتين ەرتە مە، كەش پە اياقتالادى.

ءومىر اعىمى ءوز ارناسىنا تۇسەدى. سوندىقتان بۇگىنگى جاعدايدى ءتيىمدى پايدالانىپ، كورسەتكىشتەردى قالپىنا كەلتىرۋگە تىرىسۋ كەرەك. ەڭ الدىمەن، جەرگىلىكتى جەرلەردەگى احۋالدىڭ ناقتى كورىنىسىنە مۇقيات تالداۋ جاساپ الۋ ماڭىزدى. بۇگىن نە ىستەۋ كەرەكپىز، ەرتەڭ نە ىستەي الامىز؟ شاعىن كاسىپ پەن حالىقتى قولداۋ جونىندەگى مەملەكەتتىك باعدارلامالاردى ىسكە اسىرۋعا ايرىقشا نازار اۋدارۋ قاجەت. بۇل ماقساتقا ۇكىمەت تاراپىنان اۋقىمدى قاراجات قاراستىرىلۋدا. ونى ۇتىمدى ۇقساتا بىلەيىك. بۇل ورايداعى جوبالار ءوڭىر ەكونوميكاسىنا جۇمىس جاساپ، تۇرعىنداردىڭ تابىسىن ارتتىرۋعا ىقپال ەتۋى ءتيىس، - دەدى بەردىبەك ساپاربايەۆ.

وبلىس اكىمى ءوز ورىنباسارلارى مەن باسقارما باسشىلارىن «ەۆروحيم» ج ش س، امانگەلدى مۇناي وڭدەۋ زاۋىتى سياقتى ءىرى كاسىپورىندارمەن جۇيەلى جۇمىس جۇرگىزۋگە شاقىردى. ءوڭىردىڭ كەيبىر ورتا جانە شاعىن كاسىپورىندارىنىڭ توقتاپ تۇرۋىنا قاتىستى وزەكتى ماسەلەلەردىڭ وڭىنان شەشىلۋىنە قول جەتكىزۋ قاجەت.

ءوز كەزەگىندە كاسىپورىن باسشىلارى جۇمىسشىلارىنا قامقورلىق جاساۋى ءتيىس. جالاقىنى ارتتىرۋ ماسەلەسى دە وزەكتى كۇيىندە قالىپ وتىر. سونداي-اق، ينۆەستيتسيا تارتۋ جونىندەگى جۇمىستاردى جانداندىرا ءتۇسۋ كەرەك. بەردىبەك ساپاربايەۆ وبلىستا بالالار جانە سپورت الاڭدارىن سالۋ ءۇشىن «سامۇرىق- قازىنا» قورىنان قارجى بولىنگەنىن اتاپ ءوتتى.

ولاردىڭ قۇرىلىسى تاراز قالاسىنىڭ قاراتاۋ شاعىناۋدانىندا، سونداي-اق بايزاق اۋدانىنىڭ سارىكەمەر جانە قورداي اۋدانىنىڭ ماسانشى اۋىلدارىندا جۇرگىزىلمەك. بۇل ورايدا جەرگىلىكتى اكىمدىكتەر بولىنگەن قاراجاتتى ءتيىمدى پايدالانعانى ابزال. ءوڭىر باسشىسى جاۋاپتى تۇلعالارعا كارانتيندىك ءتارتىپتىڭ تالاپتارى مەن شارتتارىن قاتاڭ ساقتالۋىن قامتاماسىز ەتۋ قاجەتتىگىن ەسكەرتتى.

سونىمەن قاتار، ول جاۋاپتى تۇلعالاردىڭ نازارىن كوروناۆيرۋستىق ينفەكتسيامەن كۇرەستە الدىڭعى شەپتەگى مەديتسينا قىزمەتكەرلەرى، پوليتسيا جانە باسقا دا ماماندار ءۇشىن ءتيىستى جاعدايلار جاساۋ كەرەكتىگىنە اۋداردى.

اۆتور: قاجى مۇرات