الەم كوروناۆيرۋستى جۇقتىرۋدىڭ شارىقتاۋ شەگىنە ءالى جەتپەدى

بۇل تۋرالى مەملەكەتتىك كوميسسيانىڭ شۇعىل شتابى حابارلادى.

دۇنيەجۇزىلىك دەنساۋلىق ساقتاۋ ۇيىمىنىڭ ساراپشىلارى ەۋروپانىڭ كەيبىر ەلدەرىندە كوروناۆيرۋس ينفەكتسياسىن جۇقتىرۋدىڭ جاڭا جاعدايلارى ازايىپ كەلە جاتقانىنا قاراماستان، الەمدە COVID-19 ۆيرۋسىن جۇقتىرۋدىڭ شارىقتاۋ شىڭىنا جەتتىك دەپ ايتۋعا ءالى دە ەرتە دەپ ەسەپتەيدى.

«كوروناۆيرۋستى جۇقتىرعانداردىڭ %90 ى ەۋروپا مەن ا ق ش- تا تىركەلگەن. سوندىقتان ءبىز ءالى ۆيرۋستى جۇقتىرۋدىڭ شىڭىن بايقاپ وتىرعان جوقپىز»، - دەدى د د ۇ سپيكەرى مارگارەت حارريس.

ماسەلەن، قازىرگى ۋاقىتتا كوروناۆيرۋس تارالىپ باستاعان قىتايدا ينفەكتسيانىڭ سىرتتان اكەلىنۋ جاعدايلارى ۇلكەن قاۋىپ ءتوندىرىپ تۇر.

الەمدە كوروناۆيرۋستى 1,93 ميلليون ادامنىڭ جۇقتىرعانى تىركەلگەن. 120 مىڭنان استام ادام ۆيرۋستىڭ كەسىرىنەن قايتىس بولدى.

Massaget.kz